سٹی42: شہر کے تمام تھیٹر ہالز کی سی سی ٹی وی فوٹیج کی مانیٹرنگ کا عمل شروع کر دیا گیا ہے۔ پنجاب آرٹس کونسل نے تمام تھیٹر ہالز میں نصب کیمروں تک براہِ راست رسائی حاصل کرلی ہے، جس کے تحت اب تھیٹرز کی سرگرمیوں کی نگرانی مؤثر انداز میں کی جا سکے گی۔
پکار (PUCAR) کے افسران تھیٹر ہالز کی سی سی ٹی وی کیمروں کے ذریعے مسلسل مانیٹرنگ کریں گے تاکہ کسی بھی غیر اخلاقی یا غیر قانونی سرگرمی پر بروقت کارروائی کی جا سکے۔ اس مقصد کے لیے شہر کے تمام تھیٹر ہالز نے اپنے کیمروں کے کوڈز اور پاس ورڈز پکار کو فراہم کر دیے ہیں۔
حکام کے مطابق اس کا مقصد تھیٹر کلچر میں بہتری، قانون کی پاسداری اور عوامی شکایات کے ازالے کے لیے اٹھایا گیا ہے۔