(ویب ڈیسک)اے ٹی ایم رکھنے والے حضرات موبائل فون استعمال کرتے ہوئے پیسے نکال سکتے ہیں مگر یہ سہولت بھارتی شہریوں کو فراہم کی گئی ہے۔

 بھارت میں آٹومیٹڈ ٹیلر مشین سے متعلق نیا نظام متعارف کرایا گیا ہے جس کے بعد ڈیبٹ کارڈ کی ضرورت نہیں رہے گی۔

 عام طور پر اے ٹی ایم سے رقم نکالنے کے لیے اے ٹی ایم کارڈ کی ضرورت ہوتی ہے لیکن اب صارف صرف اپنے موبائل فون کا استعمال کرتے ہوئے نقد رقم نکال سکتے ہیں۔

  اپنے موبائل فون سے اے ٹی ایم سے رقم کیسے نکالیں؟

 بھارتی میڈیا رپورٹس میں  طریقہ کار سے  آگاہی دی گئی ہے، صارفین کی سہولت کے لیے  ان اقدامات کا  بتایا گیا ہے جن کے ذریعے صارفین موبائل فون کا استعمال کرتے ہوئے اے ٹی ایم سے نقد رقم نکال سکتے ہیں۔

 پہلا مرحلہ: سب سے پہلے قریبی اے ٹی ایم پر تشریف لے جائیں۔

 دوسرا مرحلہ: اے ٹی ایم اسکرین پر کیو آر کیش یا اسکینر کے لیبل والے آپشن کو تلاش کریں۔

  تیسرا مرحلہ: اپنے موبائل فون پر کسی بھی UPI ایپ کا استعمال کرتے ہوئے بھارتی شہری دکھائے گئے کیو آر کوڈ کو اسکین کریں۔

  چوتھا مرحلہ: اشارہ سامنے آنے پر وہ رقم درج کریں جسے آپ نکالنا چاہتے ہیں۔

 پانچواں مرحلہ: صارف کو اپنا UPI پن درج کرنا ہوگا، وہی پن جو آپ UPI ادائیگی کرتے وقت استعمال کرتے ہیں۔

 چھٹا مرحلہ: آخر میں  اے ٹی ایم سے اپنی نقد رقم حاصل کریں۔

 ماہرین نے خبردار کیا ہے کہ UPI پن کسی کے ساتھ شیئر نہ کیا جائے اور عوامی جگہوں پر QR کوڈ اسکین کرنے میں احتیاط برتی جائے تاکہ فراڈ اور منی لانڈرنگ کے امکانات کم ہوں۔ اس کے علاوہ بینک صارفین کو مشورہ دے رہے ہیں کہ وہ اپنے UPI اکاؤنٹس پر دوہری توثیق اور نوٹیفیکیشنز فعال رکھیں تاکہ کسی بھی مشتبہ سرگرمی کی فوری اطلاع مل سکے۔