عابد چودھری:سی سی ڈی پولیس اور جرائم پیشہ عناصر کے درمیان ڈیفنس کے علاقے میں مبینہ مقابلہ ہوا جس میں زیرِ حراست ملزم یاسر ہلاک ہوگیا۔
سی سی ڈی حکام کے مطابق اے ایس آئی ندیم شاہ ملزم یاسر کو ریکوری کے لیے لے کر گیا تھا کہ اسی دوران ہیئر کے قریب اس کے ساتھیوں نے پولیس ٹیم پر فائرنگ کر دی۔
پولیس کی جوابی کارروائی میں فائرنگ کے تبادلے کے دوران زیر حراست ملزم یاسر ہلاک ہوگیا، جبکہ اس کے ساتھی موقع سے فرار ہو گئے۔
پولیس نے لاش کو پوسٹ مارٹم کے لیے منتقل کر دیا ہے اور فرار ملزمان کی گرفتاری کے لیے سرچ آپریشن جاری ہے۔