سٹی42: آٹھ اپریل سے آغاز ہونے والے امتحانات صرف ایک روز پہلے اچانک ملتوی کر دیئے گئے۔
بورڈ آف انٹرمیڈیٹ اینڈ سیکنڈری ایجوکیشن بنوں نے شمالی وزیرستان میں ہونے والے ثانوی جماعت کے امتحانات کوغیر معینہ مدت کے لیے مؤخر کر دیا ہے۔
پیر کے روز سرکاری اعلامیہ میں بتایا گیا ہے کہ آٹھ اپریل سے شروع ہونے والے میٹرک امتحانات تا حکم ثانی ملتوی کر دیے گئے ہیں۔ تاہم بورڈ کی جانب سے امتحانات کے التوا کی کوئی واضح وجہ بیان نہیں کی گئی, اعلامیہ میں کہا گیا ہے کہ نئے امتحانی شیڈول کا اعلان جلد کیا جائے گا۔