سٹی 42: وزیر اعلیٰ مریم نواز  نے اسلام آباد میں امام بارگاہ  سے ملحق مسجد پر خودکش حملے کے سانحہ کے سوگ میں اپنی تمام بسنت مصروفیات ملتوی کر دیں۔ 

  وزیر اعلیٰ مریم نواز شریف نے X (سابقہ ​​ٹویٹر) پر اعلان کیا کہ وہ اسلام آباد میں مہلک دہشت گردانہ حملے کے بعد، 7 فروری بروز ہفتہ کو ہونے والی اپنی  "بسنت سے متعلق سرگرمیاں" منسوخ کر رہی ہیں۔

لبرٹی چوک کی تقریب منسوخ

وزیر اعلیٰ مریم نواز نے بتایا کہ انہوں نے اسلام آباد میں دہشتگرد حملے کے  متاثرین کے احترام میں لبرٹی اسکوائر پر شیڈول کئے گئے  "میگا بسنت شو" سمیت اپنی ذاتی مصروفیات منسوخ کر دی ہیں۔

In the wake of the Islamabad tragedy, I am cancelling all my Basant-related activities that were scheduled for tomorrow. The mega Basant show at the Liberty Square also stands cancelled.

P.S: It is imperative that the nation remains united against the Khwarji menace and their…

— Maryam Nawaz Sharif (@MaryamNSharif) February 6, 2026

 یاد رہے کہ وزیر اعلیٰ کی ہدایت پر انتظامیہ نے لاہور کے مرکزی کلچرل پوائنٹ لبرٹی چوک پر بسنت کی خاص تقریب کا اہتمام کیا تھا جس میں میوزک کا بھی پروگرام ہونا تھا۔ اس بسنت شو میں مریم نواز شریف کو خود آنا تھا اور اس میں مداحوں اور بسنت  میوزک کے شیدائی شہریوں کی بہت بڑی تعداد میں شرکت متوقع تھی۔ آج دوپہر اسلام آباد کے علاقہ ترلائی کلاں میں ایک امام بارگاہ  سے ملحق مسجد میں نمازیوں پر خود کش حملے  جیسے دہشتگردانہ واقعہ کے  بعد مریم نواز نے لبرٹی  شو اور اپنی بسنت کی تمام دوسری مصروفیات منسوخ کر دی ہیں۔

وزیر اطلاعات پنجاب عظمی بخاری نے بھی  بیان دیا کہ وزیر اعلیٰ پنجاب نے ابھی اعلان کیا ہے کہ بسنت پر کل ہونے والی تمام تقریبات منسوخ کردی گئی ہیں۔لبرٹی چوک پر ہونے والے شو کو بھی منسوخ کردیا گیا ہے، شہدا کے لواحقین کے دکھ و تکلیف میں پنجاب حکومت ساتھ کھڑی ہے۔ہمارے دشمن کو یہ ہی تکلیف تھی کہ پاکستان کا مثبت چہرہ دنیا کے سامنے نہ آئے۔پہلے بھی دہشت گردوں کو ڈٹ کا مقابلہ کیا تھا اب بھی ڈٹ کر مقابلہ کریں گے۔پہلے بھی ہمارا مورال بہت ہائی تھا اور اب بھی بہت ہائی ہے۔
ہم دہشت گردوں سے ڈرنے والے اور ہار ماننے والے نہیں ہیں۔