ویب ڈیسک :پاکستانی طلباء نے دوسری بین الاقوامی نیوکلیئر سائنس اولمپیاد (آئی این ایس او 2025) میں شاندار کارکردگی کا مظاہرہ کرتے ہوئے 1 گولڈ، 1 سلور اور 2 برانز میڈلز اپنے نام کر کے ملک کا نام روشن کر دیا۔
آئی این ایس او کے مقابلے 30 جولائی سے 5 اگست 2025 تک ملائیشیا میں منعقد ہوئے، محمد طیب بخاری نے ایبٹ آباد سے گولڈ میڈل جیتا۔
عمار وڑائچ نے سلور اور رواح جاوید نے برانز میڈل حاصل کیے، تطہیر آئمہ نقوی بھی برانز میڈل جیتنے میں کامیاب رہیں۔
عالمی مقابلے میں پاکستانی ٹیم نے نیوکلیئر سائنس کے شعبے میں اپنی مہارت کا لوہا منوایا، طلبہ کی اس کامیابی میں پاکستان آٹامک انرجی کمیشن کا ادارہ جاتی تعاون شامل رہا۔
