سٹی 42: ڈی جی فوڈاتھارٹی عاصم جاوید کی سربراہی میں ملٹی نیشنل فوڈ چینز ،انڈسٹریز پر گرینڈ آپریشن ہوا۔ یکم اگست سے ابتک 11لاکھ 70ہزار لٹر سے زائد دودھ تلف، 436 مقدمات درج کرلیے ۔
پنجاب بھر میں جعلی دودھ کے 10 بڑے نیٹورکس پکڑے گئے، 100 سے زائد ملک ٹینکر ضبط کیے گئے ۔ ڈی جی فوڈ اتھارٹی نے کہا یکم ستمبر سے ابتک 25ہزار 108 فوڈ ہینڈلرز کی فوڈ سیفٹی ٹریننگ کروائی گئی، ناقص انتظامات پر بیورجز، بسکٹ، کیکس، چپس، سنیکس، آئل اور گھی فیکٹریاں بند کی گئیں،قوانین کی خلاف ورزی پر انڈسٹریز کیخلاف بھی سخت کارروائی عمل میں لائی جارہی ہے۔
فوڈ آڈٹ میں فوڈ ہائجین، کوالٹی، لازم ریکارڈ اور فوڈ ایس اوپیز پر عملدرآمدیقینی بنایا جا رہا ہے، اشیاء خورونوش کے معیار میں کمی کسی صورت برداشت نہیں کی جائے گی۔