سٹی42: لاہور کے سرکاری سکولوں کے لیے 11 کروڑ 27 لاکھ روپے کے فنڈز جاری کر دیے گئے ہیں۔

محکمہ خزانہ کی جانب سے یہ فنڈز نان سیلری بجٹ کی مد میں فراہم کیے گئے ہیں اور پہلی سہ ماہی یعنی جولائی، اگست اور ستمبر کی قسط کی شکل میں جاری کیے گئے ہیں۔

ان فنڈز کو سکولوں کی تعمیر و مرمت، ویلفیئر اور عارضی اساتذہ و ملازمین کے معاوضے کے لیے استعمال کیا جا سکے گا۔ محکمہ سکول ایجوکیشن کے مطابق دوسری سہ ماہی کی قسط بھی دسمبر تک جاری کر دی جائے گی۔