سٹی 42: لاہورمیں 6 سے 8 فروری تک بسنت فیسٹیول ہونے پر سول ایوی ایشن اتھارٹی ہیڈکوارٹرز نے 3روز کیلئےنوٹم جاری کر دیا۔
نوٹم بسنت میں لاہور کی فضائی حدود میں پروازوں کی آمدورفت بارےجاری کیا گیا۔
نوٹم کے مطابق پائلٹس کو علامہ اقبال انٹرنیشنل پر ٹیک آف اور لینڈنگ کے دوران انتہائی محتاط رہنے کی ہدایت کی ۔پائلٹس کم اونچائی پر پرواز اور ٹیک آف کے مرحلے میں اضافی چوکس اور محتاط رہیں۔
لینڈنگ کےوقت بھی پتنگ بازی کے ضمن میں انتہائی احتیاط کریں ۔
سٹی 42 : باغبانپورہ کی مدینہ کالونی میں 18 سالہ نوجوان پتنگ پکڑتے ہوئے چھت سے گر کر جاں بحق ہو گیا ۔
افسوسناک واقعہ عقب شالیمار باغ، باغبانپورہ گلی نمبر 18 میں پیش آیا ۔ پولیس کے مطابق 18 سالہ زین کٹی پتنگ پکڑنے کی کوشش میں چھت سے گرا اور گرتے ہی جاں بحق ہو گیا ۔
پولیس نے قانونی کاروائی کے بعد لاش ورثا کے حوالے کر دی۔
واضح رہے کہ یہ بسنت میں پیش آنے والہ چوتھا واقعہ ہے ، اس سے پہلے سبزہ زار کے علاقے میں پتنگ پکڑنے کے دوران کرنٹ لگنے سے تین افراد جھلس گئے۔ اسی طرح سکھ نہر کے قریب 25 سالہ علی رشید کٹی پتنگ اتارنے کے لئے بجلی کے کھمبے پر چڑھا، کرنٹ لگنے سے موقع پر ہی دم توڑ گیا۔
February 02, 2026
February 02, 2026
سٹی 42: شہر میں بسنت کے موقع پر چھتوں کی بکنگ مکمل ہونے کے بعد اب ڈھولچیوں کی بکنگ کا سلسلہ شروع ہو گیا۔ شہری آٹھ، دس ہزار روپے تک گھنٹے وار ڈھولچی کی خدمات کے لیے دینے کو تیار ہیں۔بسنت کے اس موقع پر ڈھولچیوں کی خدمات نایاب ہو گئی ہیں،
لاہور شہر بھر میں گھنٹے گھنٹے کی بکنگ نے سب کو حیران کر دیا ہے۔ شہری کہتے ہیں کہ بسنت کے میلے کی خوشیوں میں چھتوں اور ڈھول کی دھن کا اپنا ہی مزہ ہے، اور یہ تہوار کی رونق کو دوبالا کرتا ہے۔
ڈھولچیوں کا کہنا ہے کہ تہوار پر سیزن لگانے کا پورا حق ان کا ہے، اور شہری لاکھوں کی چھتیں بک کرنے کے بعد بھی ڈھولچی کی خدمات کے لیے بڑی رقم دینے کو تیار ہیں۔
سٹی 42: گڈی ڈور کی خریداری میں مصروف شہری گڈی اڑانے کو بھی بیتاب ہیں ۔
موچی گیٹ بازار میں گڈی ڈور خریدنے کا عمل عروج پر پہنچ گیا۔ہر کسی کو گڈی ڈور لے کر گھر پہنچنے کی جلدی ہے ۔ بارہ بجتے ہیں شہری گڈی اڑا کر بسنت فیسٹول کو خوش آمدید کہنے کے لئے بے قرار ہیں ۔
مہنگی گڈی ڈور کے باوجود شہریوں کی روائتی جوش و خروش کے ساتھ خریداری جاری ہے
موچی گیٹ بازار میں ایک پیس پینہ بلیک میں 16 ہزار جبکہ دو پیس پینہ 30 ہزار تک کا فروخت ہونے لگا جبکہ پونا تاوا 300 تاوا 600 جبکہ ڈیڑھ تاوا 1 ہزار تک فروخت ہو رہا ہے ۔
چھوٹی پتنگ 2 ہزار جبکہ بڑی پتنگ 5 ہزار تک میں فروخت ہو رہی ہے ۔
February 02, 2026
February 02, 2026
سٹی 42:لاہور میں تین روزہ بسنت فیسٹیول کی آمد پر آئی جی پنجاب راؤ عبدالکریم نے اندرون شہر، موچی گیٹ کا دورہ کیا ۔
آئی جی پنجاب راؤ عبدالکریم نے بسنت کے سکیورٹی انتظامات کا جائزہ لیا۔
ڈی آئی جی آپریشنز لاہور محمد فیصل کامران، دیگر پولیس افسران ہمراہ تھے۔ڈی آئی جی لاہور فیصل کامران نے آئی جی پنجاب کو بسنت کے سیکورٹی انتظامات بارے بریفنگ دی۔
آئی جی پنجاب راؤ عبدالکریم نے لاہور پولیس کو محفوظ بسنت یقینی بنانے کے لئے حکومتی ضابطہ اخلاق پر عملدرآمد درآمد یقینی بنانے کی ہدایت کی ۔آئی جی پنجاب نے کہا پنجاب پولیس نے لاہور میں محفوظ بسنت کے لئے مکمل تیاری کی ہے،لاہور پولیس نے کائٹ فلائنگ ایکٹ کی خلاف ورزی پر 1600 مقدمات درج کئے گئے ہیں
لاہور میں بسنت فیسٹیول کی سکیورٹی پر 10 ہزار سے زائد پولیس افسران و اہلکار تعینات ہیں۔
صوبائی دارالحکومت میں دیگر شہروں سے بسنت فیسٹیول میں بڑی تعداد میں لوگوں کی آمد کے پیش نظر اضافی ٹریفک اہلکار تعینات کئے گئے ہیں۔لاہور کو سکیورٹی انتظامات کے حوالے سے 3 زونز میں تقسیم کیا گیا ہے۔دھاتی و کیمیکل ڈور کے استعمال اور کسی بھی حکومتی پابندی کی خلاف ورزی پر قانون حرکت میں آئے گا۔ڈرونز اور سی سی ٹی وی کیمروں کی مدد سے سرویلنس شروع کر دی گئی ہے۔شہری قانون کی پابندی کریں، خلاف ورزی پر بچنا مشکل ہو گا ۔کسی کو ریلیکس ماحول نہیں ملے گا،ضرورت کے مطابق بھرپور اقدامات کئے گئے ہیں۔
وزیر اعلی پنجاب مریم نواز شریف کی ہدایت پر شہریوں کو بسنت ایس او پیز بارے بھرپور آگاہی دی گئی ہے۔شہریوں سے اپیل ہے محفوظ بسنت یقینی بنانے کے لئے ایس او پیز کی پابندی یقینی بنائیں ۔
عثمان خدام کمبوہ : بسنت کے خوبصورت تہوار کے موقع پر لبرٹی چوک بسنت کے رنگوں میں رنگ گیا، پنجاب کی وزیراعلیٰ مریم نواز نے لبرٹی چوک کا سرپرائز وزٹ کیا ۔
وزیراعلیٰ مریم نواز لبرٹی چوک پر رکیں، جہاں مریم نواز شریف نے لبرٹی پر جشن کی تیاریوں کا معائنہ کیا ۔
وزیراعلیٰ پنجاب کی آمد کے موقع پر شہری جمع ہو گئے، وزیراعلیٰ مریم نواز نے شہریوں کی جانب ہاتھ ہلا کر سلام کیا۔ وزیراعلی مریم نواز نے شہریوں سے بات چیت کی اور بچوں سے اظہار شفقت کیا، سیلفیاں بھی بنوائیں۔ مریم نواز نے عوام کو روکنے والے سکیورٹی اہلکاروں کو ہٹا دیا ۔
وزیراعلی مریم نواز نے پیلی شرٹ میں معصوم بچی کو دیکھ کر اظہار مسرت، ہاتھ ملایا۔ ننھے شہری نے آکر وزیراعلی مریم نوازشریف سے ہاتھ ملایا، اظہار مسرت کیا۔ ایک نوجوان گود میں شیر خوار بچے کو اٹھا کر پاس پہنچ گیا، وزیراعلی مریم نوازشریف کی دعائیں ۔ شہری نے وزیراعلی سے گفتگو کرتے ہوئے کہا کہ ہر بندہ آپ کی تعریف کرتا ہے، آپ کے کام کو سب پسند کرتے ہیں ۔ ایک شہری کی خواہش ظاہر کی کہ مریم نوازشریف کا کام حیران کن حد تک بہترین ہے او رنظر آتا ہے، مریم نوازکراچی آجائیں ۔
وزیراعلی مریم نوازشریف نے سیفٹی راڈ کے بغیر بائیک سوار کو راڈ لگوانے کی ہدایت کی، کہا کہ کسی بھی کیمپ پر جا کر مفت سیفٹی راڈ لگوا سکتے ہیں، سیفٹی راڈ آپ کی اپنی سلامتی کیلئے ہے، مجھے آپ کی پرواہ ہے۔ انہوں نے کہا کہ بسنت پر موٹرسائیکل چلانے پر پابندی نہیں لیکن اگر سیفٹی راڈ نہ لگایا تو بائیک بند ہوجائے گی ۔ حفاظتی اقدامات عوام کی حفاظت کے لئے ہیں۔
دوسری جانب لبرٹی چوک بسنت کے رنگوں میں رنگ گیا، لبرٹی پر کئی فٹ بلند پتنگ کا ماڈل نصب کیا گیا ہے، اس کے علاوہ جدید ٹیکنالوجی سے آراستہ سی تھرو میش بھی لبرٹی پر نصب کیا گیا ہے۔
لبرٹی کو تاریخی عمارتوں کے ماڈلز اور روشنیوں سے سجا دیا گیا۔ لبرٹی چوک پر آج رات کی تقریب کی تیاریاں مکمل کرلی گئیں ۔ فیملیز اور نوجوانوں کی بڑی تعداد ابھی سے لبرٹی پہنچنا شروع، شہری سیلفیاں اور ریلز بنانے میں مصروف ہیں۔
بسنت کو خوش آمدید کہنے کیلئے شہریوں کا جوش و خروش دیدنی دہے ۔
February 02, 2026
February 02, 2026
کلیم اختر:بسنت کے رنگوں اور خوشیوں بھرے تہوار کے آغاز میں اب چند ہی گھنٹے باقی رہ گئے ہیں، اور لاہور بھر میں جوش و خروش دیدنی ہے,شہر میں بسنت کی تیاریاں آخری مراحل میں داخل ہو چکی ہیں، ہر طرف پتنگوں، گڈوں اور ڈور کی گونج سنائی دے رہی ہے۔
گڈوں کو تلاوے لگانے اور ڈور تیار کرنے کا سلسلہ زور و شور سے جاری ہے، جبکہ بسنت کے پیش نظر شہریوں نے اپنی چھتوں پر تزئین و آرائش شروع کر دی ہے۔ رنگ برنگے جھنڈے، پتنگیں اور سجاوٹ نے چھتوں کو خوشیوں کا مرکز بنا دیا ہے۔
دوسری جانب رشتہ داروں اور دوست احباب کی خاطر تواضع کے لیے گھروں میں لذیذ پکوانوں کی تیاریاں بھی عروج پر ہیں۔ کہیں کباب اور بریانی کی خوشبو ہے تو کہیں مٹھائیوں اور روایتی بسنتی ڈشز کا اہتمام کیا جا رہا ہے۔
بسنت کے تہوار کے باعث لاہور میں خوشی، رنگوں اور جشن کا سماں قائم ہو چکا ہے، شہری امید کر رہے ہیں کہ یہ تہوار خوشگوار اور محفوظ ماحول میں منایا جائے گا۔
سٹی 42 : ڈی آئی جی آپریشنز فیصل کامران نے کہا ہے کہ 70 سے زائد ڈرونز کی مدد سے مانیٹرنگ کی جائے گی۔
بسنت میں چند گھنٹے باقی رہ گئے، لاہور پولیس نے تیاریاں مکمل کرلیں۔ لاہور پولیس نے مانیٹرنگ کے لئے کنٹرول روم قائم کر دیا۔ ڈی آئی جی آپریشنز فیصل کامران نے کہا ہے کہ 70 سے زائد ڈرونز کی مدد سے مانیٹرنگ کی جائے گی۔ انہوں نے بتایا کہ 10 ہزار سے زائد افسران و اہلکار ریڈ، یلو ، گرین زون میں تعینات ہوں گے ۔
ڈی آئی جی آپریشنز نے کہا کہ رات 12 بجے کے بعد پتنگ بازی کرنے کی اجازت ہو گی۔ انہوں نے خبردار کیا کہ موٹرسائیکلوں پر سیفٹی راڈز نہ لگانے والوں پر مقدمات درج ہونگے ۔
انہوں نے مزید کہا کہ ائیرپورٹ کے اطراف کے علاقوں میں پتنگ بازی ممنوع ہے ۔
February 02, 2026
February 02, 2026
ویب ڈیسک :وزیراعلیٰ پنجاب مریم نواز نے لاہور میں بسنت کے موقع پر پتنگ بازی کے سامان کی قیمتوں میں اضافے کا نوٹس لے لیا۔
وزیرہاؤسنگ پنجاب بلال یاسین کی زیرصدارت محکمہ داخلہ میں اجلاس،سیکرٹری داخلہ ڈاکٹراحمد جاوید قاضی نے سیف بسنت کے حوالے سے بریفنگ دی۔
بلال یاسین کا کہنا تھا کہ وزیراعلیٰ مریم نوازنے پتنگ بازی کےسامان کی قیمتوں میں اضافےکا نوٹس لیا ہے۔
بلال یاسین نے کہا کہ حکومت نے قصور، شیخوپورہ، فیصل آباد اور ملتان میں پتنگ بازی کا سامان بنانےکی اجازت دیدی ہے۔ چاروں اضلاع میں دستیاب پتنگ بازی کا سامان ایک دن میں لاہورپہنچ جائے گا۔ وافر مقدارمیں سامان کی دستیابی سے قیمتوں میں واضح کمی ہوگی،بسنت کو"سیف بسنت" بنانے کیلئے ہر ممکن اقدامات کئے جا رہے ہیں۔
علی ساہی: پنجاب پولیس نے انسدادِ پتنگ بازی ایکٹ کی خلاف ورزی کرنے والوں کے خلاف بھرپور کریک ڈاؤن کیا ہے۔ ترجمان کے مطابق اب تک 141 مقدمات درج کیے جا چکے ہیں جبکہ 153 ملزمان کو گرفتار کیا گیا ہے۔
کارروائی کے دوران ملزمان سے 22 ہزار 753 غیر منظور شدہ پتنگیں اور 570 ڈور چرخیاں برآمد کی گئیں جبکہ لاہور میں غیر قانونی پتنگوں اور ڈور کے کاروبار میں ملوث 81 افراد کو گرفتار کیا گیا جن سے مزید 2807 پتنگیں اور 202 ڈور چرخیاں برآمد ہوئیں۔
ترجمان پنجاب پولیس کے مطابق اب تک دھاتی ڈور اور پتنگوں کے کاروبار میں ملوث 4171 ملزمان گرفتار کیے جا چکے ہیں، جن سے مجموعی طور پر 3 لاکھ 50 ہزار سے زائد پتنگیں اور 7985 ڈور چرخیاں برآمد کی گئی ہیں۔
ترجمان کا مؤقف ہے کہ پنجاب پولیس نے واضح کیا ہے کہ پتنگ بازوں، مینوفیکچررز اور فروخت کرنے والوں کے خلاف بلا امتیاز کارروائی جاری رہے گی تاکہ عوام کو محفوظ ماحول فراہم کیا جا سکے۔
February 02, 2026
February 02, 2026
عابد چوہدری :بسنت کے موقع پر موٹرسائیکل پرسیفٹی راڈنہ لگوانے والوں کے خلاف زیروٹالرینس اختیارکرنے کااعلان کردیاگیا۔
لاہور میں رنگوں کے تہواربسنت کے پُرا من انعقاد کے لئے حفاظتی اقدامات کے تحت شہریوں کی موٹرسائیکلوں پرٹریفک پولیس کی جانب سے مفت سیفٹی راڑ لگانے کا سلسلہ جاری ہے۔
لاہور شہر کے مختلف مقامات پر کیمپس پرٹریفک پولیس کی جانب سےشہریوں کی موٹرسائیکلوں پرمفت سیفٹی راڑ لگائے جا رہے ہیں۔
ٹریفک پولیس حکام کااس حوالے سے کہناہے کہ کل سے سیفٹی راڈ نہ لگانے والی موٹرسائیکلیں سڑکوں پر نہیں آنے دی جائیں گی اورسیفٹی راڑ نہ لگانے والوں کی موٹرسائیکلیں تھانوں میں بند کر دی جائیں گی۔
علی ساہی، عابد چودھری:محفوظ بسنت کے پرامن اور قانون کے مطابق انعقاد کو یقینی بنانے کیلئے لاہور پولیس نے سکیورٹی اور مانیٹرنگ کے جامع انتظامات مکمل کر لیے جبکہ شہر بھر میں پتنگ بازی پر کڑی نظر رکھنے کیلئے جدید آلات اور اضافی نفری تعینات کر دی گئی ہے۔
بسنت میں چند گھنٹے باقی ہیں پولیس حکام کے مطابق مانیٹرنگ کو مزید مؤثر بنانے کیلئے 70 تھرمل ڈرونز، 150 دوربینز، 100 میگا فونز، سرچ لائٹس اور سیڑھیاں فراہم کر دی گئی ہیں جبکہ ریڈ اور گرین زونز میں تعینات تمام پولیس ٹیموں کو ایک ایک دوربین دی گئی ہے، جس کے ذریعے ڈور پتنگ اور چھتوں پر ہونے والی ہلہ گلہ سرگرمیوں کی نگرانی کی جائے گی۔
پولیس حکام کا کہنا ہے کہ میگا فونز کے ذریعے شہریوں کو مسلسل آگاہی پیغامات دیے جائیں گے تاکہ کسی بھی غیرقانونی سرگرمی سے بروقت روکا جا سکے۔اسی طرح تین روزہ بسنت کے دوران 10 ہزار سے زائد افسران اور اہلکار تین شفٹوں میں اپنی ذمہ داریاں انجام دیں گے۔
ڈی آئی جی آپریشنز کے مطابق رات 12 بجے کے بسنت منانے کا آغاز کیا جا سکتا ہے، عوام کو حفاظت کے ساتھ پتنگ بازی کرنے کی اجازت ہو گی۔
علاوہ ازیں لاہور پولیس نے مانیٹرنگ کے لئے کنٹرول روم قائم کر دیا ہے جبکہ ائیرپورٹ کے اطراف کے علاقوں میں پتنگ بازی ممنوع ہے۔
لاہور پولیس کے مطابق ان اقدامات کا مقصد شہریوں کی جان و مال کا تحفظ یقینی بنانا اور بسنت کو ایک محفوظ، خوشگوار اور قانون کے دائرے میں منانا ہے۔
February 02, 2026
February 02, 2026
طاہر جمیل: ڈپٹی کمشنر لاہور نے واضح کیا ہے کہ پتنگوں کے نرخ انتظامیہ مقرر نہیں کرے گی کیونکہ یہ بنیادی ضرورت نہیں۔ تاہم نرخ قابو میں رکھنے کے لیے دیگر اقدامات کیے جا رہے ہیں۔
ڈی سی لاہور کے مطابق دیگر شہروں سے پتنگیں منگوانے کی اجازت دے دی گئی ہے جبکہ پنجاب کے چار اضلاع میں پتنگیں بنانے کی بھی اجازت دے دی گئی ہے۔ اس فیصلے کے بعد پتنگ بازی کا سامان وافر مقدار میں دستیاب ہو گیا ہے اور نرخ کم ہونے کی توقع ظاہر کی جا رہی ہے۔
بسنت کے موقع پر لبرٹی میں میوزیکل کنسرٹ کا اہتمام بھی کیا گیا ہے جس میں شہریوں کو شرکت کی دعوت دی گئی ہے۔
علاوہ ازیں کیپٹن (ر) علی اعجاز نے اعلان کیا ہے کہ سیفٹی راڈز کے بغیر موٹرسائیکل سواروں کے خلاف سخت کارروائی کی جائے گی تاکہ جشن محفوظ ماحول میں منایا جا سکے۔
ویب ڈیسک: پنجاب حکومت نے لاہور میں بسنت کی رنگارنگ تقریبات کو مزید محفوظ اور آسان بنانے کے لیے 2 رائیڈ کمپنییاں اِن ڈرائیو اور ینگو کے ساتھ ایک اہم معاہدہ کر لیا ہے۔
اس اقدام کے ذریعے، 7,6 اور 8 فروری کو لاہور میں ہونے والی بسنت تقریبات کے دوران شہریوں کو مفت رکشہ اور کیب رائیڈز کی سہولت فراہم کی جائے گئی، حکومت کے مطابق اس سے آنے والے دوسرے ممالک سےسیاح اور پنجاب کے شہری مستفید ہونگے، ٹریفک کی شدید بھیڑ اور پارکنگ کے مسائل سے نجات دلانے میں یہ اقدام مدد دے گا۔
پی ایچ اے افسران کے مطابق اس معاہدے کے تحت دونوں کمپنیاں مجموعی طور پر 180,000 مفت رائیڈز پیش کریں گی جن میں سے ہر رائیڈ 8 کلومیٹر تک کی ہوگی۔
اس سروس میں رکشہ اور کیب دونوں شامل ہیں، شہری ایپ کے ذریعے بھی رائیڈ بک کر سکیں گئے اور وہ براہ راست سڑکوں سے بھی یہ سہولت حاصل کر سکتے ہیں۔
ابتدائی طور پر اعلان کردہ اعداد و شمار کے مطابق، تقریباً 6,000 رکشے اور 60,000 کیب رائیڈز دستیاب ہوں گی جو شہر کے 24 اہم روٹس پر چلیں گی،یہ سروس خاص طور پر بسنت کے دوران پتنگ بازی اور تقریبات میں شرکت کرنے والوں کے لیے تیار کی گئی ہے تاکہ شہری موٹر سائیکل اور اپنی سواری کا استعمال کم سے کم کریں۔
دلچسپ بات یہ ہے کہ پنجاب حکومت اس معاہدے کے لیے کمپنیوں کو کوئی براہ راست مالی ادائیگی نہیں کرے گی،اس کے بدلے میں، ینگو اور ان ڈرائیو کو لاہور کی مرکزی سڑکوں، چوراہوں اور عوامی مقامات پر اشتہاری اور برانڈنگ کی خصوصی مراعات دی جائیں گی۔
پی ایچ افسران کے مطابق یہ ماڈل نہ صرف حکومت کے بجٹ کو بچائے گا بلکہ کمپنیوں کو بھی طویل مدتی فوائد دے گا جو شہر کی اقتصادی ترقی میں معاون ثابت ہوگا۔
پنجاب کی وزیر اعلیٰ مریم نواز شریف نے اس اقدام کو بسنت کو ایک محفوظ، ماحول دوست اور خوشگوار تہوار بنانے کی طرف ایک بڑا قدم قرار دیا ہے۔
ان کا کہنا ہے کہ یہ سہولت خاص طور پر بزرگ افراد، خاندانوں، خواتین اور سیاحوں کے لیے مفید ہوگی جو بغیر کسی پریشانی کے تقریبات سے لطف اندوز ہو سکیں گے۔
حکومت کا اندازہ ہے کہ اس سے روزانہ لاکھوں افراد مستفید ہوں گے، جو ٹریفک کے مسائل کو کم کرنے میں بھی مدد دے گا۔
علاوہ ازیں مفت بس سروس بھی جاری رہے گی جس میں 500 بسیں، میٹرو بس، اورنج لائن اور الیکٹرک بسیں شامل ہیں،حکومت کی جانب سے جلد ہی روٹس، پک اپ پوائنٹس اور دیگر تفصیلات کا اعلان کیا جائے گا تاکہ شہری پہلے سے منصوبہ بندی کر سکیں۔ یہ معاہدہ لاہور کو ایک جدید شہر کی طرف گامزن کرنے کی ایک اور مثال ہوگا۔
February 02, 2026
6 Feb, 2026
5 Feb, 2026
5 Feb, 2026
5 Feb, 2026
5 Feb, 2026
5 Feb, 2026
5 Feb, 2026
5 Feb, 2026
5 Feb, 2026
5 Feb, 2026
5 Feb, 2026
5 Feb, 2026
5 Feb, 2026