(سٹی 42) سابق ٹیسٹ کرکٹر اور دنیا کے تیز ترین باؤلر شعیب اختر نے بھی اپنی ڈریم باؤلنگ جوڑی بتادی، شعیب اختر نے ماضی سے سابق کپتان عمران خان اور موجودہ ٹیم سے نسیم شاہ کو اپنا ڈریم باؤلنگ پارٹنر قرار دیا۔

سوشل میڈیا پر جاری پی سی بی کی ڈریم پیئر مہم کو مداحوں، سابقہ اور موجودہ کھلاڑیوں سمیت صحافیوں اور کرکٹ پنڈتوں میں خوب پذیرائی مل رہی ہے۔ ڈیجٹل مہم کا تیسرا مرحلہ3مئی بروزاتوار کو شروع ہوا جہاں مداحوں کوٹیسٹ فاسٹ باؤلرز میں سے اپنی پسندیدہ جوڑی چننے کا موقع دیا گیا۔

پاکستان کی جانب سےٹیسٹ کرکٹ میں 178 وکٹیں حاصل کرنے والے سابق فاسٹ باؤلر شعیب اختر نے ماضی کے عظیم کھلاڑیوں میں سے عمران خان کے ساتھ جوڑی بنانے کی خواہش کا اظہار کیا ہے۔ شعیب اختر نے قومی ٹیسٹ کرکٹ ٹیم کے موجودہ کھلاڑیوں میں سے نوجوان فاسٹ باؤلر نسیم شاہ کو اپنے ڈریم پیئر کے لیے چنا ہے۔

شعیب اختر ،نوجوان فاسٹ باؤلر نسیم شاہ کے ساتھ باؤلنگ کے خواہاں

•عمران خان کے ساتھ باؤلنگ کرنے کا موقع ملتا تو خوش قسمتی سمجھتا، شعیب اختر
•موجودہ فاسٹ باؤلرز میں نسیم شاہ کا مزاج میرے جیسا ہے، شعیب اختر https://t.co/ma9GG9AYba

— PCB Media (@TheRealPCBMedia) May 4, 2020

قومی کرکٹ ٹیم کے سابق فاسٹ باؤلر شعیب اختر نے کہا کہ وہ ماضی کے فاسٹ باؤلرز میں سے عمران خان کے ساتھ باؤلنگ کرنے کا انتخاب کریں گے۔ انہوں نے کہا کہ اگر وہ اپنے کیرئیر کے عروج میں عمران خان کے ساتھ دوسرے اینڈ سے باؤلنگ کرتےتو دونوں کھلاڑیوں کی کا مائنڈ سیٹ ایک ہوتا اور وہ یہ کہ حریف ٹیم کی کوئی وکٹ نہیں چھوڑنی۔

انہوں نے کہا کہ موجودہ کھلاڑیوں میں سے ٹیسٹ کرکٹر نسیم شاہ ان کے ہم مزاج ہیں۔ انہوں نے کہا کہ نوجوان فاسٹ باؤلر کا غضہ اور خوف ان کے جیسا ہوسکتا ہے لہٰذا وہ نسیم شاہ کو اپنا ڈریم پیئر چنیں گے۔

نسیم شاہ:

قومی ٹیسٹ کرکٹ نسیم شاہ نے کہا کہ وسیم اکرم کے بعد اب شعیب اختر کی جانب سے مجھے اپنے ڈریم پیئر میں شامل کرنے پران کا مشکور ہوں۔انہوں نے کہا کہ اپنے پسندیدہ فاسٹ باؤلرز کے ڈریم پیئر کا حصہ بننا میرے لیےکسی اعزاز سے کم نہیں ہے۔

After the legend Wasim Akram, its an honor to be picked up by the fatstest bowler in cricket history as his bowling partner. Thanks @shoaib100mph bhai. It's truly an honor. In sha Allah, I will keep serving Pakistan to the best of my abilities. #RiseAndRise #PakistanZindabad https://t.co/qdBo699gA7

— Naseem Shah (@iNaseemShah) May 4, 2020

نسیم شاہ نے کہا کہ جن فاسٹ باؤلرز کو دیکھ کر کرکٹ کھیلنا شروع کی آج ان کا میرے ساتھ باؤلنگ کی خواہش کرنا میرے لیے فخر کی بات ہے۔انہوں نے کہا کہ فاسٹ باؤلر کے لیے جارحانہ مزاجی بہت ضروری ہے، شعیب اختر کے اعتماد پر پورا اترنے کی کوشش کروں گا۔