راودلشاد: وزیر اعلیٰ کے پی کے سہیل آفریدی کی پنجاب اسمبلی آمد کے وقت ہنگامہ آرائی کی تحقیقاتی رپورٹ آئی جی پنجاب کو بھجوانے کا فیصلہ، رپورٹ کے ہمراہ دستاویزات اور ثبوت بھی بھجوائے جائیں گے۔
ہنگامہ آرائی میں ملوث افراد کے خلاف قانونی کارروائی کی سفارش کی جائے گی، ہلڑ بازی کرنے والوں کی وڈیوز کے ذریعہ شناخت بھی کرلی گئی، ہنگامہ آرائی کی رپورٹ تحقیقاتی کمیٹی نے مرتب کی ہے۔
رپورٹ میں پنجاب اسمبلی کے ملازمین اور عینی شاہدین کے بیانات بھی شامل ہیں۔
وزیر اعلی کے پی کے آمد کے موقع پر اسمبلی ساٹ کی طرف سے تحمل سے شناخت کروانے کا کہا گیا لیکن سیکیورٹی ملازمین کو دھکے دئیے گئے۔
غیر متعلقہ اور سزا یا فتہ افراد بھی وزیر اعلی کے پی کے ہمراہ پنجاب اسمبلی میں داخل ہوئے۔