ویب ڈیسک : مستونگ میں ڈسٹرکٹ پولیس نے سیکیورٹی خدشات کے پیش نظر تاجروں کو ہدایت کی ہے کہ بازار شام 4 بجے بند کر دیے جائیں۔

ڈسٹرکٹ پولیس کے مطابق سیکیورٹی تھریٹ کے باعث کاروباری مراکز محدود اوقات تک کھلیں گے، اس حوالے سے بازار یونین اور تاجر رہنماؤں کو ہدایات سے آگاہ کر دیا گیا ہے۔

دوسری جانب تاجر برادری نے تشویش کا اظہار کرتے ہوئے مطالبہ کیا ہے کہ انہیں فل پروف سیکیورٹی فراہم کی جائے تاکہ کاروبار محفوظ طور پر جاری رہ سکے۔

دکانیں بند ہونے سے تجارتی سرگرمیاں متاثر ہے، جس سے شہریوں اور تاجروں کو مشکلات کا سامنا ہے۔