ویب ڈیسک: وفاقی پبلک سروس کمیشن نے وزارتِ دفاع کے دو ذیلی اداروں میں مختلف آسامیوں پر تقرریوں کی سفارش کی ہے، آمنہ ملک اور نمرہ سعید کو گریڈ 17 میں بطور فزیوتھراپسٹ جبکہ 7 امیدواروں کو گریڈ 18 میں بطور سینئر سٹور افسر تعینات کرنے کی سفارش کی گئی ہے۔

 وفاقی پبلک سروس کمیشن نے وزارتِ دفاع کے دو ذیلی اداروں میں تقرریوں کی سفارشات جاری کی ہیں۔

کمیشن کے مطابق آمنہ ملک اور نمرہ سعید کو وزارتِ دفاع کے ماتحت ادارے، آرمڈ فورسز انسٹیٹیوٹ آف ری ہیبیلیٹیشن میڈیسن میں گریڈ 17 میں بطور فزیو تھراپسٹ تعینات کرنے کی سفارش کی ہے۔

کمیشن نے سات امیدواروں محمد ظفر، قلندر خان، محمد عثمان، وقار علی، طاہر ضیاء الٰہی، حبیب الرحمٰن اور ثوبیہ منظور کو وزارتِ دفاع کے ہی ذیلی ادارے ملٹری انجینئرنگ سروسز میں گریڈ 18 میں بطور سینئر سٹور افسر تعینات کرنے کی سفارش کی ہے۔

امیدواروں نے فیڈرل پبلک سروس کمیشن کے تحت منعقدہ امتحان میں کامیابی حاصل کی ہے