سٹی42: ایبٹ آباد بری کوٹ میں شدید بارش سے برساتی نالے میں سیلاب آ گیا۔ برساتی نالے کے سیلاب نے آبادیوں میں تباہی مچا دی۔
برساتی نالے کا سیلابی ریلا آبادی میں داخل ہوا متعدد گھروں کو نقصان پہنچا ہے۔
سیلابی ریلے میں آنے والے بڑے بڑے پتھر گھروں میں جمع ہو گئے۔
سیلابی ریلا گھریلو سامان ساتھ بہا لے گیا ۔
علاقہ میں انتظامیہ تاحال نا پہنچ سکی ہے ۔
امدادی کاروائیاں شروع نا ہو سکی ۔
سیلابی ریلے سے قبل لوگ گھروں سے نکل گئے ۔
کوئی جانی نقصان نہی ہوا مالی نقصان ہوا ہے۔
سٹی42: بھارت کے دارالحکومت دہلی کو جمنا دریا کے سیلاب سے شدید خطرہ لاحق ہو گیا۔ دہلی این سی آر میں اگلے دو دنوں تک شدید بارش کا الرٹ آ گیا۔ جمنا میں پانی کی سطح خطرے کے نشان سے اوپر ہو چکی ہے۔
دہلی میں شدید بارش سے اربن فلڈ کی حالت پیدا ہو گئی ہے۔ دارلاحکومت کی سڑکیں زیر آب ہیں۔ پانی بھرنے سے لوگوں کو ٹریفک جام کے مسئلے سے دوچار ہیں۔ نشیبی علاقوں میں پانی بھرنے سے بہت سے گھروں میں بحرانی صورتحال ہے۔
دہلی-این سی آر میں اگلے دو دنوں تک تیز بارش کا محکمہ موسمیات نے یلو الرٹ جاری کیا ہے۔ پیر کو بھی دہلی میں پورے دن موسلادھار بارش ہوئی۔ وہیں شدید بارش اور ہریانہ سے پانی چھوڑے جانے کی وجہ سے جمنا ندی کی آبی سطح خطرے کے نشان کو عبور کر چکی ہے۔ ایسے میں دہلی میں سیلاب کا خطرہ بڑھ گیا ہے۔ نشیبی علاقوں میں سیلاب کا الرٹ بھی جاری کر دیا گیا ہے کیونکہ اب جمنا کی آبی سطح مزید بڑھ سکتی ہے۔
محکمہ موسمیات نے دہلی میں شدید بارش کو لے کر الرٹ جاری کیا ہے۔ آج یہاں پورے دن بادل چھائے رہیں گے اور تیز ہواؤں کے ساتھ بارش ہونے کے آثار ہیں۔ بارش کی وجہ سے درجہ حرارت میں بھی کمی دیکھنے کو ملی ہے۔ آج دہلی کا زیادہ سے زیادہ درجہ حرارت 31 ڈگری سیلسیس اور کم سے کم درجہ حرارت 22 ڈگری سیلسیس رہنے کا امکان ہے۔ اس کے ساتھ ہی اگلے 5 دنوں تک دہلی میں بارش کا سلسلہ جاری رہ سکتا ہے۔ دہلی کے ساتھ ساتھ نوئیڈا میں بھی شدید بارش کا الرٹ ہے۔
دہلی میں ہو رہی شدید بارش سے جہاں ایک طرف لوگوں کو گرمی سے راحت ملی ہے وہیں دوسری طرف انہیں پریشانیوں کا بھی سامنا کرنا پڑ رہا ہے۔ زیادہ بارش سے آبی جماؤ کی حالت پیدا ہو گئی ہے۔ سڑکیں زیر آب ہیں۔ پانی بھرنے سے لوگوں کو ٹریفک جام کے مسئلے سے دوچار ہونا پڑ رہا ہے۔ نشیبی علاقوں میں پانی بھر گیا ہے۔ دہلی کے الگ الگ علاقوں سے تصویریں سامنے آئی ہیں جہاں لبالب پانی بھرا ہوا دیکھا جا سکتا ہے۔
دہلی کے وسنت وِہار، فیروز شاہ روڈ، دہلی-گرو گرام بارڈر، ساؤتھ ایکسٹینشن، اکبر روڈ، گیتا کالونی، منٹو بریج، آئی ٹی او، پٹپڑ گنج سمیت کئی علاقوں میں بارش کی وجہ سے سڑکیں تالاب کی شکل اختیار کر گئی ہیں، جس سے جام کا مسئلہ پیدا ہو گیا ہے اور لوگوں کو آمد و رفت میں کافی پریشانی ہو رہی ہے۔
مسلسل ہو رہی بارش سے دہلی میں سیلاب کا خطرہ بھی بڑھتا جا رہا ہے۔ جمنا کی آبی سطح خطرے کے نشان سے اوپر پہنچ گئی ہے۔ جمنا میں خطرے کا نشان 205.33 میٹر ہے اور منگل یعنی آج صبح 7 بجے جمنا کی آبی سطح 205.75 میٹر درج کی گئی جبکہ یکم ستمبر کو جمنا کی آبی سطح 204.95 میٹر درج کی گئی تھی۔ کل تک جمنا کی آبی سطح خطرے کے نشان سے کچھ کم تھی، لیکن اس میں اضافہ ہوا ہے اور اب آبی سطح خطرے کے نشان کے اوپر پہنچ گئی ہے۔
اس کے ساتھ ہی ہر گھنٹے ہتھنی کنڈ بیراج سے لاکھوں کیوسک پانی چھوڑا جا رہا ہے۔ ایسے میں دہلی کے لیے سیلاب کی گھنٹی بج گئی ہے۔ آج شام 5 بجے جمنا کی آبی سطح 206.50 میٹر پہنچنے کا امکان ہے۔ اسے دیکھتے ہوئے دہلی کے نشیبی علاقوں میں سیلاب کو لے کر الرٹ بھی جاری کر دیا گیا ہے۔ اس درمیان شاہدرہ کے ضلع مجسٹریٹ نے بتایا کہ جمنا ندی میں بڑھتی آبی سطح کی وجہ سے 2 ستمبر کو 5 بجے سے لوہا پُل پر آمد و رفت اور عوامی سرگرمیاں بند کر دی جائیں گی۔
September 09, 2026
September 09, 2026
سٹی42: چناب، راوی اور ستلج کے بھارت سے بھیجے گئے سیلابی ریلوں کے جنوبی پنجاب میں تباہی مچانے کا شدید خطرہ ہے۔ تینوں دریاؤں میں کئی روز سے چل رہے بہت خوفناک سیلابی ریلوں کے ہیڈ پنجند پر پہنچنےمیں کچھ گھنٹے باقی رہ گئے ہیں۔
ہیڈ پنجنند پر دریائے چناب کے سیلابی ریلے کی آمد کا سلسلہ آئندہ چار گھنٹوں میں شروع ہو جائے گا۔
دریائے ستلج کا سیلابی ریلا آئندہ 26 گھنٹوں میں ہیڈ پنجنند پر پہنچنا شروع ہو گا۔
دریائے راوی کا سیلابی ریلا چناب میں شامل ہو کر پنجند پہنچے گا۔
آج بدھ کی صبح یہاں پانی کی سطح مزید بلند ہو جائے گی۔
آج سے ہیڈ پنجندکا نہری نظام بھی بند ہونے کا امکان ہے۔ ماہرین کا کہنا ہے کہ ہیڈ پنجند کو تین دریاؤں کے سیلاب سے زیادہ مسئلہ نہیں ہے۔ یہاں سے گزر کے تین دریاؤں کا اکٹھا ہو چکا پانی دور دور تک پھیلے گا اور ہزاروں ایکڑ زمین زیر آب آئے گی۔ اس کے ساتھ سئنکڑوں گاؤں کے بھی زیر آب آنے کا خطرہ ہے۔
سٹی42: پی ڈی ایم اے پنجاب نے جموں سے آنے والے دریائے توی میں سیلاب کے سبب چناب میں سیلاب کاالرٹ جاری کر دیا۔
بھارت نےایک مرتبہ پھر سندھ طاس معاہدہ کی سنگین وائلیشن کی اور توی میں سیلاب کی اطلاع نہیں دی۔ بعد میں اسلام آباد میں بھارتی سفارتخانہ نے بھدے طریقہ سے کل شام چھ بجے پاکستانی فارن آفس کو توی میں سیلاب کی صورتحال کی بعد از وقت اطلاع دی۔
دریائے توی میں اونچے درجے کے سیلاب کا امکان ہے۔ دریائےتوی کا سارا پانی دریائے چناب میں آئے گا جس سے چناب میں سیلاب آنے کا خطرہ ہے۔ پی ڈی ایم اے پنجاب نے دریائے چناب میں سیلاب کا الرٹ جاری کر دیا ہے۔
پی ڈی ایم اے نے بتایا کہ دریائے چناب میں مرالہ ڈاؤن سٹریم کے مقام پر سیلابی صورتحال کا خدشہ ہے۔ چناب میں آنے والا سیلابی ریلا گجرات اور سیالکوٹ کو متاثر کرسکتا ہے۔
پی ڈی ایم اے کے الرٹ کی روشنی میں پنجاب کے فلڈ ریلیف کمشنر نبیل جاوید نے کمشنرز، ڈپٹی کمشنرز اور دیگر حکام کو ممکنہ صورتحال بارے الرٹ رہنے کی ہدایات کی ہیں۔
لوکل گورنمنٹ، محکمہ زراعت، محکمہ آبپاشی، محکمہ صحت، محکمہ جنگلات، لائیو اسٹاک اور محکمہ ٹرانسپورٹ کو الرٹ جاری کر دیا گیا ہے۔
September 09, 2026
September 09, 2026
سٹی42: جموں کے پہاڑوں سے آنے والے دریا " توی" میں سیلاب آ گیا ہے۔ کشمیر سے آنے والے تمام نالوں میں پانی کی سطح بلند ہو رہی ہے۔ آج ایک بار پھر بھارت نے سندھ طاس معاہدہ کی سنگین خلاف ورزی کی اور پاکستان کو معاہدہ میں طے شدہ چینل کے ذریعہ اس سلاب کی اطلاع نہیں دی۔
تازہ ترین اطلاعات کے مطابق دریائے مناور توی میں بھی نیچے درجے کا سلاب ریکارڈ کیا جا رہا ہے اور دریا مین پانی کی سطح بڑھ رہی ہے۔
نالہ ڈیک میں ایک لاکھ 74 ہزار97 کیوسک پانی ریکارڈ کیا گیا ہےْ
نالہ پلکھو میں بھی نیچے درجے کا سلاب ریکارڈ کیا جا رہا ہے۔
کشمیر سے آنے والے تمام دریاؤں اور برساتی نالوں میں پانی کی سطح بلند ہونا شروع ہو گئی ہے۔
سٹی42: آئندہ دو گھنٹوں میں اسلام آباد راولپنڈی، میرپور ،مری اور مری سے ملحق گلیات کے علاقوں میں تھنڈرسٹارم آنے کا امکان ہے۔
میٹ ڈیپارٹمنٹ نے بتایا ہے کہ آئندہ دو سے چار گھنٹوں کے دوران اسلام آباد راولپنڈی، میرپور ،مری، گلیات اور گردونواح میں تیز ہواؤں اور گرج چمک کے ساتھ بارش کا امکان ہے۔
کشمیر وادی نیلم مظفرآباد راولاکوٹ، پونچھ، ہٹیاں باغ حویلیاں سدھانوتی ،کوٹلی بھمبر اور گردونواح میں تیز ہواؤں اور گرج چمک کے ساتھ بارش کی توقع ہے۔
میٹ دیپارٹمنٹ کے مطابق نارووال سیالکوٹ، لاہور، قصور، جہلم، شیخوپورہ، حافظ آباد، گوجرانوالہ اور گجرات میں تیز ہواؤں اور گرج چمک کے ساتھ بارش کا خطرہ ہے۔
ہزارہ ڈویژن کے علاقوں مانسہره بری پور میں بھی تیز ہواؤں اور گرج چمک کے ساتھ بارش اور اس دوران چند مقامات پر موسلادھار بارش کا امکان ہے۔
عوام خراب موسم کے دوران احتیاطی تدابیر اختیار کریں۔
September 09, 2026
September 09, 2026
سٹی42: وزیراعلیٰ مریم نوازشریف نے تمام سیلاب زدہ خواتین اور بچوں کو جوتے فراہم کرنے، کیمپوں میں صاف پانی دینے، گائینی، گیشٹرو اور سکن سپیشلسٹ بھیجنے کی سخت ہدایات جاری کر دیں۔
پنجاب میں سیلاب پہلے بھی آتے رہے ہیں لیکن سیلاب زدہ عوام کے لئے ایسے انقلابی اقدامات پہلی بار کئے جا رہے ہیں جن میں خواتین، بچوں کے ساتھ جانوروں کو بھی سنبھالنے کے لئے تمام سرکاری وسائل کو عملاً موبیلائز کیا جا رہا ہے۔
مریم نواز نے سیلاب کے نقصانات کا تخمینہ لگانے کا بھی حکم دے دیا۔ ڈپٹی کمشنروں کو سیلاب زدہ علاقوں میں نقصانا ت کاسروے کرانے کا ٹاسک مل گیا۔
تمام کیمپوں میں صاف پانی
وزیراعلیٰ مریم نوازشریف نے فلڈ ریلیف کیمپوں میں پینے کا صاف پانی فراہم کرنے کا بھی حکم دیاہے۔
مچھر مار سپرے کریں، جراثیم کش دوا چھڑکیں
وزیراعلیٰ نے فلڈریلیف کیمپوں اوراب تک بنائے گئے تمام ٹینٹ سٹی میں مچھر مار سپرے کرنے اور جراثیم مارنے کے لئے دواؤں کا خشک سپرے کرنے کی ہدایت بھی کی ہے۔
مریم نواز نے ایڈیشنل چیف سیکرٹری ساؤتھ کوجنوبی پنجاب کے سیلاب زدہ علاقوں کے متاثرین کیلئے بہترین انتظامات کرنے کی ہدایت بھی کی۔
انہوں نے ایڈیشنل چیف سیکرٹری ساؤتھ سے ریسکیو اینڈریلیف آپریشن کی رپورٹ بھی طلب کرلی۔
خواتین ، بچوں کو جوتے کپڑے فوراً فراہم کریں
مریم نواز نے ریلیف کیمپوں میں مقیم متاثرہ خاندانوں بالخصوص خواتین اوربچوں کوجوتے،کپڑے اورضروری اشیاء فراہم کرنے کی بھی ہدایت کی ہے۔ وزیراعلیٰ نے کہا، سیلاب آنے کے سبب لوگ بے سروسامانی کی حالت میں گھروں سے نکلے ہیں،اپنے لوگوں کو تنہا نہیں چھوڑیں گے۔
سپیشلسٹ ڈاکٹر کیمپوں میں فوراً بھیجیں
وزیراعلیٰ نے نوٹ کیا کہ سیلاب زدہ علاقوں میں پانی اترنے کے بعد بیماریاں پھیلنے کا اندیشہ ہے،اس چیلنج کیلئے پیشگی اقدامات کرنے ہوں گے۔
انہوں نے سیلاب سے متاثرہ علاقوں میں کلینک آن ویل، فیلڈ ہسپتال کی تعداد کو بڑھانے اوردوردراز علاقوں تک رسائی یقینی بنانے کا حکم جاری کیا اور سیلاب زدہ علاقوں میں فوری وزٹ کرنے کیلئے گائنی کالوجسٹ،گیسٹرواورسکن سپیشلسٹ میڈیکل پروفیشنلز کی موبائل ٹیمیں تشکیل دینے کی ہدایت بھی کی۔
سیلاب زدہ علاقوں مین میڈیکل پروفینشنلز کیلئے خصوصی الاؤنس
وزیراعلیٰ مریم نوازشریف نے سیلاب زدہ علاقوں میں ڈیوٹی سرانجام دینے والے ڈاکٹر ز،پیرا میڈکل سٹاف اوردیگر عملے کیلئے خصوصی الاؤنس دینے کا بھی اعلان کر دیا۔
مریم نواز نے سیلاب متاثرین کو ان کی ضرورت اورسہولت کے مطابق رہنے کیلئے ٹینٹ اورجگہ فراہم کرنے کی ہدایت کی اورسیلاب متاثرہ علاقوں میں مویشیوں کیلئے بھرپور چارے اورویکسی نیشن کی فراہمی میں کوئی کوتاہی نہ کرنے کی بھی کی ہدایت دہرائی۔ اور کہا کہ مویشیوں کو بیماریوں سے بچانے کیلئے ویکسی نیشن اوردیگر اقدامات بروئے کار لائے جائیں تاکہ سیلاب زدہ عوام کا کوئی مزید نقصان نہ ہو۔
وزیراعلیٰ نےسیلاب زدہ علاقوں میں کسانوں کیلئے ایگری کلچر انٹرنز کی خدمات حاصل کرنے کا حکم دیا۔ انہوں نے سیلاب زدہ علاقوں میں لائیوسٹاک انٹرنز کو مویشیوں کی دیکھ بھال کی ذمہ داری تفویض کرنے کی بھی ہدایت کر دی۔
سیلاب زدہ علاقوں کی بجلی، گیس کے کنکشن بحال کرنےکی ہدایت
وزیراعلیٰ مریم نے ڈپٹی کمشنر وں کو متاثرہ علاقوں میں بجلی،سوئی گیس کے کنکشن جلدبحال کرنے کیلئے رابطے کرنے کی ہدایت بھی کر دی۔ انہوں نے سیلاب کا پانی نکلنے کے ساتھ ہی بجلی،گیس کی سپلائی کی فوری بحالی پر زور دیا۔
وزیراعلیٰ مریم نوازشریف کی فلڈ ریلیف کیمپوں میں انتظامات میں مزیدبہتری لانے کی خاص طور سے ہدایت کی اور کہا کہ انتظامات میں بہتری کو نظر آنا چاہئے۔
یورپی یونین کی اعلی نمائندہ کا نائب وزیر اعظم کو ٹیلی فون؛ سیلاب سے قیمتی جانوں کے ضیاع پر اظہار تعزیت
وزیراعلیٰ مریم نوازشریف کی فلڈ ریلیف کیمپوں میں صفائی کے بہترین انتظامات کی ہدایت
وزیراعلیٰ مریم نوازشریف کی ستھرا پنجاب کی ٹیمیں فلڈریلیف کیمپوں میں تعینات کرنے کی ہدایت
وزیراعلیٰ مریم نوازشریف کی فلڈریلیف کیمپوں میں کوڑا دان اورڈسٹ بن وغیرہ نصب کرنے کی ہدایت
فلڈریلیف کیمپوں میں کوڑا کرکٹ ڈالنے کیلئے کورڈ کنٹرینر رکھنے کی ہدایت
متعدی امرا ض سے بچاؤ کیلئے ناگزیر انتظامات یقینی بنانے کا حکم
فلڈر یلیف کیمپوں میں مقیم افراد کو ملیریا وغیرہ سے بچانے کیلئے مچھر مار سپرے کرنے کی ہدایت
فلڈریلیف کیمپوں میں مقیم افراد کو ضرورت کی ہر چیز میسر ہونے چاہیے۔مریم نوازشریف
فلڈ ریلیف کیمپوں میں مقیم افراد کی صحت پہلی ترجیح ہے۔مریم نوازشریف
فلڈ ریلیف کیمپوں کی صفائی اوردیگر امور پر خصوصی توجہ دی جائے۔مریم نوازشریف
وزیراعلیٰ پنجاب مریم نواز شریف کا کمشنرز اورڈپٹی کمشنرز سے ویڈیو لنک خطاب
[9:13 PM, 9/2/2025] +92 317 2424118: Repo
شیئر کریں:
سٹی42: یورپی یونین نے پاکستان میں سیلاب زدہ علاقوں کے متاثرین کی فوی مدد کیلئے فوری طور پر 35کروڑ روپے کی ہنگامی امداد کا اعلان کردیا۔
یورپی یونین کی یہ ہنگامی امداد سیلاب سے سب سے زیادہ متاثرہ اور کمزور افراد کیلئے نقد رقم کی شکل میں فراہم کی جائے گی۔
یورپی یونین نے آج منگل کے روز اعلان کیا ہے کہ وہ پاکستان کے سیلاب متاثرین کی فوری ضروریات کیلئے 35 کروڑ روپے کی امداد دے رہے ہیں۔
پاکستان میں تباہ کن فلیش فلڈز سے 819 افراد جاں بحق ہو چکے ہیں اور بہت سے لوگ لاپتہ ہیں۔ مون سون بارشوں کے باعث آنے والے فلیش فلڈز سے بڑے پیمانے پر گھروں، زرعی زمینوں، فصلوں، افراسٹرکچر کی تباہی ہوئی ہے۔ سیلاب کی تباہ کاری ہنوز جاری ہے۔
یورپی یونین نے سیلابوں میں جاں بحق ہونے والے افراد کے لواحقین اور متاثرہ خاندانوں سے دلی ہمدردی کا اظہار کیا اور کہا کہان کی بھیجی ہوئی امداد قابلِ اعتماد انسانی ہمدردی کی تنظیموں کے ذریعے فراہم کی جائے گی۔
یورپی یونین کے مطابق امداد میں جان بچانے والی ہیلتھ سروسز شامل ہوں گی، سب سے زیادہ متاثرہ اور کمزور افراد کیلئے نقد رقم کی شکل میں بھی معاونت فراہم کی جائے گی۔
یورپی یونین کے اعلامیہ میں کہا گیا کہ یورپی یونین مشکل وقت میں پاکستانی عوام کے ساتھ کھڑی ہے۔
یورپی یونین کی نائب صدر نے آج پاکستان کے نائب وزیراعظم اور وزیر خارجہ اسحاق ڈار کو فون کیا اور سیلاب سے ہونے والے جانی نقصان پراظہارتعزیت کیا۔
پاکستان کے دفترخارجہ کے ترجمان نے آج اسلام آباد میں بتایا کہ یورپی یونین کی نائب صدر نے متاثرین اوران کے خاندانوں سے یکجہتی کا اظہار کیا اور پاکستان کو ریلیف اوربحالی کی کوششوں میں ہر ممکن تعاون کی یقین دہانی کرائی۔
فارن آفس کےترجمان نے بتایاکہ نائب وزیراعظم اسحاق ڈار نے اظہارِ یکجہتی اور تعاون پر شکریہ ادا کیا اور کہا کہ پاکستان ماحولیاتی بحران سے شدید متاثرہ ممالک میں شامل ہے۔
September 09, 2026
September 09, 2026
سٹی42: ناروال کے علاقہ میں بجلی کی بڑی ٹرانسمشن لائن ٹوٹ گئی۔ پورے شہر اور درجنوں مضافاتی گاؤں کو بجلی کی فراہمی غیر معینہ وقت کیلئے بند ہو گئی۔
132 کے وی ہائی ٹینشن ٹرانسمیشن لائن کا ایک پول سیلاب کے پانی سے گر گیا۔ 132 کے وی ٹرانسمشن لائن کا پول گرنے سے ظفروال شہر اور نواحی علاقوں کی بجلی منقطع ہو گئی۔
یہ 132 کے وی ٹانسمشن لائن جس گرڈ سٹیشن کو بجلی فراہم کر رہی تھی وہ اسوقت بند پڑا ہے۔ گرڈ سٹیشن بند ہونے سے 16 فیڈر بند ہیں اور ظفر وال شہر کے ساتھ ساتھ بہت سے دیہاتی علاقوں کو بھی بجلی کی فراہمی منقطع ہو گئی ہے۔
گیپکو حکام نے بتایا ہے کہ پول کی بحالی تک گرڈ سٹیشن کو بجلی کی فراہمی کا کوئی متبادل دستیاب نہیں ہے۔ 16 فیڈرز کی بجلی پول کی بحالی تک منقطع رہے گی۔
ٹرانسمشن لائن کا کھمبا کیسے گرا
نالہ ڈیک میں طغیانی کے باعث کمال پور چشتیاں کے قریب گیپکو کا 132 کے وی پسرور۔ ظفروال ٹرانسمیشن لائن کا ٹاور کمزور ہو گیا تھا۔
نالہ میں کٹاؤ کی وجہ سے اس ٹاور کو خطرہ بڑھا تو گیپکو کو ٹیمیں پہلے ہی وہاں ٹاور کو بچانے کے لئے کام کر رہی تھیں لیکن ڈیک کے سیلاب کی خطرناک سورتحال کے باعث وہ ٹاور کو بچانے مین کامیاب نہیں ہوئیں۔
اس ٹاور کے گرنے سے 132 کے وی گرڈ اسٹیشن ظفروال کے 15 گیارہ کے وی فیڈروں کو بجلی کی سپلائی متاثر بند ہے۔
چیف ایگزیکٹو گیپکو نے بتایا ہے کہ ہمارے انجینئیرز کی ٹیمیں مرمت کے لئے تیار بیٹھی ہیں لیکن نئے کھمبے کو انسٹال کرنے کا کام پانی کی سطح کم ہوتنے پر ہی کرنا ممکن ہے۔ جیسے ہی ڈیک میں پانی کم ہو گا، ٹاور کی بحالی کا کام فورا شروع کر دیا جائے گا ۔
ظفروال شہر کے متاثرہ فیڈروں میں ظفروال، جموں گیٹ، ٹھرو منڈی، نونار، درمان، فخر الدین، سدوال، گیگیاں، دھم تھل، سنگیال، سنکھترا، رحیم آباد، اور نیو رحیم آباد شام فیدر شامل ہیں۔
ظفر وال گرڈ سٹیشن اور اسے بجلی دینے والی ٹرانسمشن لائن
نارووال کے علاقہ ظفروال میں GEPCO 132kV ٹرانسمیشن لائن ظفروال میں 132kV گرڈ اسٹیشن پر ختم ہوتی ہے۔
یہ ہائی ٹینشن لائن ظفروال گرڈ سٹیشن کو بجلی فراہم کرتی ہے، جو پھر لوئر وولٹیج والے فیڈرز کے ذریعے ارد گرد کے علاقوں میں صارفین کو بجلی فراہم کی جاتی ہے۔
اس ٹرانسمشن لائن اور 132 کے وی اے گرڈ سٹیشن کو گوجرانوالہ الیکٹرک پاور کمپنی (GEPCO) چلاتی اور دیکھ بھال کرتی ہے، جو پورے علاقے میں بجلی کی تقسیم کا انتظام کرتی ہے۔
یہ لائن نارووال کے وسیع تر منصوبے کا حصہ ہے، جس میں 1x40 MVA ٹرانسفارمرز میں سے ایک کا ایک حصہ ظفروال گرڈ اسٹیشن پر استعمال کیا جاتا ہے۔
متعلقہ پروجیکٹس
یہ ٹرانسمشن لائن نارووال اگمنٹیشن پروجیکٹ سے منسلک ہے اور ظفروال گرڈ اسٹیشن کے لیے اس پروجیکٹ سے ٹرانسفارمر استعمال کرتی ہے۔
سٹی42: پسرور کے علاقہ میں نالہ ڈیک میں اونچے درجے کا سیلاب برقرار ہے۔ اس دوران ایک حفاظتی بند ٹوٹنے کی وجہ سے سیلاب کا پانی پسرور شہر کی طرف آنا شروع ہو گیا ہے۔
پسرور سے آنے والی اطلاعات کے مطابق آمین شاہ کے مقام سے بند ٹوٹے ہونے کی وجہ سے پانی پسرور شہر کی جانب آنا شروع ہو چکا ہے۔
پسرور کے درجنوں نواحی دیہات اور سینکڑوں ایکڑ زرعی اراضی زیر آب آگئے ہیں۔
نالہ ڈیک میں شدید سیلاب کی وج سے پسرور میں کئی دنوں سے تباہی آئی ہوئی ہے۔ سینکڑوں گاؤں پانی کی نذر ہو چکے ہیں اور ہزاروں افراد اس وقت سرکاری کیمپوں میں پناہ لئے ہوئے ہیں۔ رابطہ سڑکین بری طرح ٹوٹ پھوٹ چکی ہیں۔
تحصیل ظفروال، نارووال، پسرور میں بجلی کی فراہمی معطل، ایکسین واپڈا
اورنگ زیب بیگ پسرور
September 09, 2026
September 09, 2026
سٹی42: شمالی پنجاب میں دریائے چناب میں پانی کی سطح ایک بار پھر بلند ہونے لگی۔ گزشتہ تباہ کن ریلا اس وقت جنوبی پنجاب میں ملتان کے نزدیک پہنچ رہا ہے۔
اس دوران ہی اطلاعات آ رہی ہیں کہ شمالی پنجاب میں چناب میں پانی کی سطح ایک بار پھر اونچی ہونے لگی ہے۔
وزیرآباد سے موصول ہونے والی اطلاعات کے مطابق دریائے چناب میں پانی کی سطح بڑھنے لگی ہے۔
دریائے چناب میں 15 ہزار کیوسک پانی کا اضافہ نوٹ کیا گیا ہے۔ اس اضافے سے پانی کی سطح بلند ہونے لگی ہے۔
دریائے چناب میں خانکی بیراج کے مقام سے اس وقت ایک لاکھ بیس ہزار آٹھ سو ستاسی 120887 کیوسک پانی کی آمد اور اخراج ہو رہا ہے۔
ہیڈ مرالہ کے مقام پر دریائے چناب میں پانی کی آمد ایک لاکھ پندرہ ہزار 115904کیوسک ہے۔ ہیڈ مرالہ سے دریائے چناب میں پانی کا اخراج114404 کیوسک ریکارڈ کیا گیا ہے۔
دریائے چناب میں ہیڈ قادرآباد کے مقام پر پانی کی 128078کیوسک اور اخراج بھی 128078کیوسک ہے۔
مقامی دیہات میں سیلاب کے بعد ضلعی انتظامیہ کی طرف سے کسانوں کو مویشیوں کا چارا پہنچایا جانے لگا ہے۔
وزیرآباد کے قریب بہنے والے نالہ پلکھو میں آج بھی پانی کم ہونے کی نشاندہی ہو رہی ہے۔
روزینہ علی: این ڈی ایم اے کے این ای او سی نے دریاؤں میں سیلابی ریلوں اور بہاؤ کے حوالے سے تفصیلی رپورٹ جار ی کر دی
یکم ستمبر کودریائے چناب میں تریموں سے5لاکھ50 ہزارکیوسک کا ریلا گزر چکا ہے جو اب پنجند کیطرف رواں ہے
چناب کے 8 لاکھ 85 ہزار کیوسک کا بہاؤ2 مقامات پر بند ٹورنے کے بعد واضح کمی کے ساتھ 5 لاکھ 50 ہزار کیوسک تک محدود کیا جو باآسانی ہیڈ تریموں گزر چکا ہے
پنجند ہیڈ ورکس سے صرف 6 لاکھ 50 ہزار کیوسک کے گزرنے کی گنجائش موجود ہے۔اور کسی جگہ بند توڑنے کی ضرورت پیش نہیں آئے گی
ممکنہ طور پر یہ سیلابی ریلہ 3ستمبرکو پنجند کے مقام پر 5 لاکھ 70 ہزار سے 6 لاکھ کیوسک کے بہاؤ کے ساتھ اکٹھے ہوں گے
5 ستمبرکی صبح اس دریائی ریلے میں دریائے ستلج سے 80 ہزار تا1 لاکھ کیوسک کا ریلا پنجند کے مقام پر شامل ہو گا
تینوں دریاؤں سے ریلوں کی آمد کے بعد پنجند کے مقام پر مجموعی طور پر 6 لاکھ 50 ہزار سے 7 لاکھ کیوسک تک کا بہاؤ متوقع
پنجند سے یہ ریلہ 6 ستمبر کی دوپہر تک گڈو بیراج پہنچنے کا امکان ہے، جہاں مجموعی بہاؤ 4 لاکھ 50 ہزار سے 5 لاکھ کیوسک تک متوقع ہے۔
کوٹ مٹھن کے مقام پر اس سیلابی ریلے میں دریائے سندھ کا آبی بہاو شامل ہو جائے گا ۔
منصوبہ بندی کے تحت یہ مجموعی بڑا سیلابی گڈو ہیڈ ورکس پر 6 لاکھ 50 ہزار تا 7 لاکھ کیوسک تک کا پہنچ سکتا ہے ۔
یہ سیلابی ریلہ سکھر اور کوٹری بیراج سے گزرتے ہوئے 12 تا 13 ستمبر کو سمندر کیطرف راوں ہو جائے گا ۔
وزیراعظم کی ہدایت پر این ڈی ایم اے تمام ریسکیو و ریلیف سرگرمیاں کی نگرانی کر رہا ہے ۔
نیشنل ایمرجنسیز آپریشن سینٹر 24 گھنٹے کے لئے مکمل فعال ہے۔
این ڈی ایم اے سول و عسکری اداروں کے ساتھ رابطے میں ہے ۔
دریاؤں کے کناروں اور واٹر ویز پر رہائش پذیر افراد فوری طور پر محفوظ مقامات پر منتقل ہو جائیں ۔
ممکنہ طور پر زیر آب آنے کے خطر ے سے دوچار علاقوں کے مکین انخلاء کے لیے متعلقہ اداروں کے ساتھ تعاون کریں۔
انخلا ء کے بعد عارضی کمپس سے اپنے علاقوں میں واپسی کے لیے اداروں کے ہدایات پر عمل یقینی بنائیں ۔
مقامی انتظامیہ کی ہدایات پر فوری عمل کریں اور ہنگامی حالات میں امدادی ٹیموں سے رابطہ کریں۔
سیلاب زدہ علاقوں میں غیر ضروری سفر سے مکمل گریز کریں۔
ہنگامی کٹ (پانی، خوراک، ادویات) تیار رکھیں اور اہم دستاویزات محفوظ کریں۔
این ڈی ایم اے ایمرجنسیز آپریشن سینٹر الرٹ برائے کشمیر
اگلے 12 تا 24 گھنٹوں میں کشمیر کے علاقوں بشمول میر پور،ڈھڈیال،وادی نیلم،باغ، کوٹلی میں شدید بارشوں متوقع ہیں۔
راولاکوٹ،مظفرآباد،شاردہ،حویلی اور ملحقہ علاقوں میں شدید بارشوں متوقع ہیں۔
شہری علاقوں میں ممکنہ سیلابی صورتحال اور پہاڑی علاقوں میں لینڈ سلائیڈنگ کا خدشہ ہے۔
ندی، نالوں اور پانی میں ڈوبی سڑکوں سے محتاط رہیں۔
غیر ضروری سفر سے گریز کریں۔
حفاظتی اقدامات یقینی بنائیں۔
انتظامیہ کی ہدایات پر عمل کریں ۔
بجلی کے تاروں اور پانی جمع ہونے والے علاقوں سے دور رہیں۔
September 09, 2026
September 09, 2026
سٹی42: پڑوسی ملک بھارت نے پاکستان کیلئے دریائے ستلج میں اونچے درجے کے ایک اور سیلاب کا بندوبست کر کے پاکستان کو سیلاب کے خطرے سے آگاہ کردیا۔
بھارت نے اس مرتبہ بھی سندھ طاس معاہدہ کے طے شدہ کمیونیکیشن چینل کو بائی پاس کیا اور اپنے کئے دھرے کی بعد از وقت اطلاع اسلام آباد میں بھارتی ہائی کمیشن کے ذریعہ دی۔
اسلام آباد میں پاکستان کی وزارت آبی وسائل نے بتایاکہ دریائے ستلج میں ہریکے زیریں اور فیروزپور زیریں پر اونچے درجے کا سیلاب ہوگا۔ دریائے ستلج میں اونچے درجے کے سیلاب کا خطرہ یکم ستمبر صبح 8 بجے سے آغاز ہو چکاہے۔
وزارت آبی وسائل کے حکام نے آج پیرکی شام بتایا کہ ستلیج دریا میں نئے سیلاب کا الرٹ متعلقہ اداروں اور صوبائی حکومتوں کو جاری کردیا گیا ہے۔
ستلج میں سیلاب؛ پی ڈی ایم اے کا الرٹ
پروونشل ڈیزاسٹر منیجمنٹ اتھارٹی (پی ڈی ایم اے) پنجاب نے ستلج دریا میں اونچے درجے کے سیلاب کی وارننگ جاری کردی ہے اور 9 اضلاع میں ہائی الرٹ کردیا۔
پی ڈی ایم اے کے الرٹ میں بتایا گیا کہ بھارت کی طرف دریائےستلج میں "ہری کے" اور فیروزپور کے مقامات پر اونچے درجے کا سیلاب ہے۔ ستلج کے اس نئے سیلابی ریلے سے پنجاب میں 9 اضلاع کے متاثر ہونے کا خدشہ ہے ان اضلاع میں قصور، اوکاڑہ، بہاولنگر اور پاکتن، وہاڑی، لودھراں، بہاولپور، ملتان اور مظفر گڑھ شامل ہیں۔
پی ڈی ایم اے نے ہدایت کی کہ متعلقہ اضلاع کے ڈی سیزممکنہ سیلاب سے نمٹنےکیلیے فوری انتظامات کریں۔
3 Sep, 2025
3 Sep, 2025
3 Sep, 2025
3 Sep, 2025
3 Sep, 2025
2 Sep, 2025
2 Sep, 2025
2 Sep, 2025
2 Sep, 2025
2 Sep, 2025
2 Sep, 2025
1 Sep, 2025