شہباز علی: پاکستان اور آسٹریلیا کے درمیان کھیلے جا رہے دوسرے ون ڈے میچ کے دوران قومی ٹیم کو اس وقت غیر متوقع صورتحال کا سامنا کرنا پڑا جب وکٹ کیپر بیٹر غازی غوری طبیعت ناساز ہونے کے باعث میدان سے باہر چلے گئے۔

غازی غوری کے ڈریسنگ روم واپس جانے کے بعد روحیل نذیر نے ان کی جگہ وکٹوں کے پیچھے ذمہ داریاں سنبھال لیں اور کھیل جاری رکھا۔ ٹیم کے طبی عملے نے فوری طور پر غازی غوری کا معائنہ شروع کر دیا ہے تاکہ ان کی طبیعت خراب ہونے کی وجہ معلوم کی جا سکے۔

قومی ٹیم کی جانب سے تاحال غازی غوری کی صحت کے حوالے سے کوئی باضابطہ بیان جاری نہیں کیا گیا، تاہم ٹیم ڈاکٹرز مسلسل ان کی حالت کا جائزہ لے رہے ہیں۔ شائقین کرکٹ بھی نوجوان وکٹ کیپر کی جلد صحت یابی کے لیے دعاگو ہیں۔