سٹی 42 : ہنگو میں قاضی تالاب پولیس پوسٹ پر دہشت گردوں کی ڈرون کے ذریعے حملے کی کوشش ناکام بنادی گئی۔
پولیس کے مطابق دہشت گردوں نے کواڈ کاپٹر سے مارٹر گرانے کی کوشش کی۔ ڈی پی او طارق حبیب کا کہنا ہےکہ پولیس نے اینٹی ڈرون جیمنگ سسٹم سے ڈرون کو کامیابی سے ناکام بنا دیا، بروقت کارروائی سے بڑا دہشت گرد حملہ ناکام بنا دیا گیا۔
واقعے میں پولیس کو کوئی جانی یا مالی نقصان نہیں پہنچا۔ پولیس و سیکیورٹی فورسز نے علاقے میں نگرانی اور حفاظتی اقدامات مزید سخت کر دیے۔