محمد حسن خان: حیدرآباد میں نورانی بستی کے علاقے میں کمرے کی چھت گر گئی, افسوسناک حادثے میں نیچے سوئی ہوئی 20 سالہ لڑکی جاں بحق جبکہ 16 سالہ مسکان اور 15 سالہ حسنین زخمی ہوگئے۔

ذرائع ابلاغ کے ،مطابق اطلاع ملتے ہی ریسکیو ٹیم نے پہنچ کر زخمی افراد اور لاش کو اسپتال منتقل کیا،  ریسکیو حکام کا کہنا تھا کہ  چھت گرنے کے نتیجے میں 20 سالہ لڑکی اقراء جاں بحق ہوگئی ہے۔

افسوس ناک حادثے میں 16 سالہ مسکان اور 15 سالہ حسنین زخمی ہوئے ہیں، کرائے کا گھر تھا جس میں یہ حادثہ رونما ہوا۔

گھر والوں کے مطابق انہوں نے متعدد مرتبہ مالک مکان کو چھت کی مرمت کرانے کی درخواست کی تھی۔