ویب ڈیسک: بالی وڈ اداکار انوشکاشرما اور سابق بھارتی کپتان ویرات کوہلی کے ہاں دوسرے بچے کی پیدائش متوقع ہے۔

بھارتی میڈیا رپورٹ میں ذرائع کا حوالہ دیتے ہوئے دعویٰ کیا گیا کہ انوشکا دوسری مرتبہ حاملہ ہیں تاہم انوشکا پہلے بچے کی طرح اپنے حاملہ ہونے کا باضابطہ اعلان بعد میں کریں گی۔بھارتی میڈیا کا دعویٰ ہے کہ انوشکا ان دنوں ویرات کوہلی کے ہمراہ کسی بھی تقریب میں شرکت یا سفر سے گریز کررہی ہیں جو کہ اتفاق نہیں بلکہ اداکارہ کسی بھی قسم کی قیاس آرائیوں سے خود کو دور رکھنے کیلئے عوامی مقامات پر نہیں دیکھی جارہیں۔

بھارتی میڈیا کے مطابق انوشکا کو حال ہی میں شوہر ویرات کے ہمراہ میٹرنٹی ہوم میں بھی دیکھا گیا ہے جس کے بعد  جوڑے نے پاپازئی سے تصاویر شیئر نہ کرنے کی درخواست کی ہے اور جوڑے کا کہنا ہے کہ وہ اس حوالے سے جلد ہی باضابطہ اعلان کریں گے۔بھارتی میڈیا کے اس دعوے پر تاحال انوشکا شرما  اور ویرات کوہلی کا ردعمل سامنےنہ آسکا ہے۔

واضح رہے کہ ویرات اور انوشکا کی شادی دسمبر 2017 میں اٹلی کے شہر میلان میں ہوئی تھی، جوڑے کے ہاں جنوری 2021 میں بیٹی وامیکا  کی پیدائش ہوئی تھی۔