ویب ڈیسک: سینیٹر فیصل جاوید خان کا کہنا ہے کے وزیراعظم عمران خان کا خطاب موخر کردیا گیاہے۔ اس سے قبل وزیرداخلہ شیخ رشید نے کہا  تھا کہ وزیراعظم عمران خان آج شام قوم سے اہم خطاب کریں گے ۔

سینیٹر فیصل جاوید نے سماجی رابطے  کی ویب سائٹ ٹویٹر پر اپنے پیغام میں تصدیق کی کہ وزیراعظم عمران خان کا آج متوقع خطاب موخر کردیا گیا ہے۔ 

وزیراعظم عمران خان کا آج قوم سے خطاب موخر ہو گیا ہے-

— Faisal Javed Khan (@FaisalJavedKhan) March 30, 2022

اس سے قبل وفاقی وزیر داخلہ شیخ رشید نے اسلام آباد میں صحافیوں سے مختصر گفتگو کرتے  ہوئے کہا تھا کہ وزیراعظم آج شام کو قوم سے خطاب کریں گے جبکہ کابینہ کی ہنگامی میٹنگ بھی طلب کرلی گئی ہے۔ ممکنہ طورپر اپنے عوام سے خطاب میں  وزیراعظم عمران خان  دھمکی آمیز خط کے حوالے سے آگاہ کریں گے اور رائے طلب کرسکتے ہیں.