(ویب ڈیسک)فیس بک کی زیر ملکیت کمپنی واٹس ایپ صارفین کی مشکلات کو کم کرنے کے لئے نئے نئے فیچرز متعارف کرارہی ہے، واٹس ایپ نے ایک اور نیا فیچر تیار کیا جس کے ذریعے کسی کا بھیجا ہوا وائس پیغام آسان سے سن سکتے ہیں۔
واٹس ایپ انتظامیہ صارفین کے لئے نئے فیچرز متعارف کرانے کے لئےسرگرم عمل ہے، سوشل میڈیا کے اس دور میں پیغام رسانی کے لئے مختلف ایپس استعمال کی جارہی ہے، صارفین کی پڑھتی ہوئی دلچسپی کو پیش نظر رکھتے واٹس ایپ نے مزید نئے فیچر پر کام شروع کیا ہے۔
واٹس ایپ سرگرمیوں پر نظر رکھنے والی ایپ ویب بیٹا انفو کے مطابق ایپ کے اس نئے فیچر کے تحت صارفین اب ایپ میں کہیں بھی رہتے ہوئے واٹس ایپ وائس نوٹ پلے کر سکیں گے۔گلوبل آڈیو پلیئر کو ایپ میں کہیں بھی رہتے ہوئے وائس نوٹ سننے کے لیے استعمال کیا جاسکتا ہے۔
نئے فیچر کو حال ہی میں متعدد آئی او ایس بیٹا ٹیسٹر کے لیے متعارف کیا گیا ہے جبکہ کمپنی کا خیال ہے کہ جلد ہی فیچر سے اینڈرائیڈ صارفین بھی مستفید ہوسکیں گے۔
واضح رہے کہ صارفین وائس نوٹ سنتے وقت کسی صارف کی چیٹ نہیں دیکھ سکتے کیونکہ انہیں وائس نوٹ سننے کے لیے رابطے کی چیٹ یا اس گروپ پر لازمی رہنا پڑتا ہے جہاں سے وائس نوٹ بھیجا گیا ہو۔
The global audio player can be used to listen to voice notes wherever you are in the application. It has been recently released to certain iOS beta testers, and it's coming to WhatsApp beta for Android soon. pic.twitter.com/Cvf45CyQ8I
— WABetaInfo (@WABetaInfo) January 29, 2022
یاد رہے کہ فیس بک کی زیر ملکیت کمپنی واٹس ایپ نے ایک مزید ایک نئے فیچر پر کام کررہی ہے جس کی مدد سے صارفین چیٹ کے دوران تازہ ترین کھینچی گئی تصاویر یا ویڈیوز کو آسانی سے دوسرے صارف کو بھیج سکیں گے۔اس نئے فیچر کا نام 'NEW MEDIA PICKER'ہے۔
تصویر یا ویڈیوز بھیجنے کے لئےفون کی گیلری میں 2 آپشن فراہم کیے جائیں گے۔جس میں ایک ٹیب RECENT یعنی حالیہ تصاویر یا ویڈیوز جبکہ دوسرا GALLERY کا ٹیب ہوگا جس میں موبائل میں موجود تمام تصاویر اور ویڈیوز موجود ہوں گی۔ نئی اپ ڈیٹ کے بعد صارفین یہ فیچر استعمال کرسکیں گے۔