ویب ڈیسک:ملک کے بیشتر علاقوں میں موسم گرم اور خشک رہے گا، شام یا رات کے وقت بالائی خیبر پختو نخوا اور گلگت بلتستان میں گرج چمک کے ساتھ بارش کا امکان ہے۔
محکمہ موسمیات نے آج شام کوہستان، چترال ، دیر اور سوات میں گرج چمک کیساتھ ہلکی بارش کاامکان ظاہرکیا ہے۔ گلگت بلتستان میں بھی رات کے وقت میں بادل برسنے کی توقع ہے۔
اس کے علاوہ اسلام آباد، بالائی پنجاب، سندھ اور بلوچستان میں موسم گرم رہنے کے علاوہ گرد آلود ہوائیں چلنے کی پیشگوئی ہے۔محکمہ موسمیات کے مطابق لاہور میں گرمی کی شدت میں اضافہ ہوا ہےشہر کا موجودہ درجہ حرارت 27 ڈگری سینٹی گریڈ ریکارڈ کیا گیازیادہ سے زیادہ درجہ 38 ڈگری سینٹی گریڈ تک جانے کے امکانات ہیں۔