ویب ڈیسک: لاہور کے ہال روڈ پر واقع ایک سولر شاپ کے مالک کے خلاف مبینہ طور پر خراب سولر انورٹر فروخت کرنے اور اسے تبدیل نہ کرنے پر صارف عدالت میں 5 لاکھ روپے ہرجانے کا دعویٰ دائر کر دیا گیا۔
درخواست گزار نے مؤقف اختیار کیا کہ انورٹر خراب ہونے کے باوجود دکاندار نے اسے تبدیل کرنے سے انکار کیا، جس کے باعث مالی نقصان اٹھانا پڑا۔ اس پر صارف عدالت سے رجوع کرتے ہوئے ہرجانے کی ادائیگی کی استدعا کی گئی۔
عدالت نے درخواست کو ابتدائی سماعت کے لیے مقرر کرتے ہوئے درخواست گزار کے وکیل کو 27 جون کو دلائل کے لیے طلب کر لیا۔