مولانا فضل الرحمان نے نواز شریف کو بڑی دعوت دیدی


(سٹی 42) جمعیت علمائے اسلام (ف) کے سربراہ مولانا فضل الرحمان کی سابق وزیراعظم نواز شریف سے دوگھنٹے کی طویل ملاقات،آل پارٹیز کانفرنس میں شرکت کی دعوت دے دی۔

یہ بھی لازمی پڑھیں:نیوز بلیٹن 3بجے 14 نومبر2018  

تفصیلات کے مطابق جاتی امرا میں جمعیت علمائے اسلام (ف) کے سربراہ مولانا فضل الرحمان نے سابق وزیراعظم نواز شریف سے دو گھنٹے ملاقات کی، اس طویل ملاقات میں ملکی صورتحال سمیت دیگر امور پر تبادلہ خیال کیا گیا، شہباز شریف کی گرفتاری کے بعد پیدا ہونے والی صورتحال پر بھی مشاورت کی گئی۔  مولانا فضل الرحمان نے نواز شریف کو آل پارٹیز کانفرنس( اے پی سی)میں شرکت کی دعوت دی۔اس موقع پر اکرم خان درانی، مفتی ابرار احمد اور حمزہ شہباز بھی موجود تھے۔

دوسری جانب احسن اقبال کا کہنا ہے کہ (ن) لیگ کو اے پی سی کے حوالے سے کوئی اصولی اختلاف نہیں، اے پی سی کا ایجنڈا واضح ہونا چاہیئے۔ کل شہباز شریف کی سربراہی میں پارلیمانی پارٹی کے اجلاس میں اے پی سی میں شرکت کا فیصلہ کیا جائے گا۔