ثمرہ فاطمہ:عالمی یومِ سیاحت کے موقع پر لاہور میوزیم میں آج تمام شہریوں کے لیے داخلہ مفت ہوگا۔
انتظامیہ کے مطابق عالمی یومِ سیاحت کے موقع پر میوزیم آنے والے افراد کو ٹکٹ لینے کی ضرورت نہیں ہوگی، جبکہ مفت داخلے کی سہولت شام 5 بجے تک دستیاب رہے گی۔
شہری لاہور میوزیم میں تاریخ، ثقافت اور قومی ورثے سے روشناس ہوسکیں گے۔ میوزیم میں فیملی فرینڈلی ماحول کے ساتھ گائیڈڈ ٹورز کی سہولت بھی دستیاب ہوگی۔