(ویب ڈیسک) سال 2023 کا دوسرا اور آخری چاند گرہن 28 اور 29 اکتوبر کی درمیانی شب میں ہو گا۔
محکمۂ موسمیات کے مطابق جزوی چاند گرہن کا نظارہ پاکستان میں بھی کیا جاسکے گا۔
محکمہ موسمیات کا مزید کہنا تھا کہ چاند گرہن کا آغاز 28 اکتوبر کو پاکستان کے معیاری وقت کے مطابق رات 11 بج کر 02 منٹ پر ہو گا جبکہ 29 اکتوبر کو رات 1 بج کر 14 منٹ پر چاند گرہن اپنے عروج کو پہنچے گا اور پھر اس کا اختتام 29 اکتوبر کی رات 3 بج کر 26 منٹ پر ہو گا۔
چاند گرہن ایشیاء، یورپ، آسٹریلیا، امریکا، افریقا اور اٹلانٹک میں بھی دیکھا جا سکے گا۔