ویب ڈیسک: بھارت کے نوجوان معروف سوشل میڈیا اسٹار اور کامیڈین دیو راج پٹیل ٹریفک حادثے میں ہلاک ہو گئے۔
بھارتی میڈیا کے مطابق دیو راج پٹیل ریاست چھتیس گڑھ کے علاقے رائے پور میں ایک ٹریفک حادثے میں ہلاک ہوئے۔
مقامی پولیس کے مطابق دیو راج پٹیل اپنے دوست کے ساتھ بائیک پر سفر کر رہے تھے کہ پیچھے سے آنے والے تیز رفتار ٹرک نے انہیں ٹکر ماری، حادثے میں دیو راج پٹیل موقع پر ہی جان سے ہاتھ دھو بیٹھے جبکہ ان کے دوست کو شدید نوعیت کی چوٹیں آئیں۔
دیو راج پٹیل کے یوٹیوب پر 4 لاکھ سبسکرائبر تھے جبکہ انسٹاگرام پر ان کے فالوورز کی تعداد 57 ہزار تھی۔دیو راج اپنے جملے ’دل سے برا لگتا ہے بھائی‘ کی وجہ سے ہر خاص و عام میں مقبول تھے اور بہت سی سیاسی و سماجی شخصیات کے ساتھ ان کی ویڈیوز سوشل میڈیا پر وائرل ہیں۔
ریاست چھتیس گڑھ کے وزیراعلیٰ بھپیش بھاگل نے دیو راج پٹیل کی ٹریفک حادثے میں ہلاکت پر افسوس کا اظہار کیا اور دیو راج پٹیل کی اپنے ساتھ بنائی گئی ایک ویڈیو بھی سوشل میڈیا پر شیئر کی۔
“दिल से बुरा लगता है” से करोड़ों लोगों के बीच अपनी जगह बनाने वाले, हम सबको हंसाने वाले देवराज पटेल आज हमारे बीच से चले गए.
— Bhupesh Baghel (@bhupeshbaghel) June 26, 2023
इस बाल उम्र में अद्भुत प्रतिभा की क्षति बहुत दुखदायी है.
ईश्वर उनके परिवार और चाहने वालों को यह दुःख सहने की शक्ति दे. ओम् शांति: pic.twitter.com/6kRMQ94o4v