(ویب ڈیسک)بھارتی اداکارہ، ماڈل نورا فتیحی کا شمار ٹاپ ڈانسرز میں ہوتا ہے اداکارہ اپنے بے باک لباس کے باعث سوشل میڈیا صارفین کی توجہ حاصل کرتی رہتی ہیں تاہم اب ان کے بالکل نئے روپ نے مداحوں کو حیرت میں ڈال دیا ہے۔
تفصیلات کے مطابق نورا نے روٹین سے ہٹ کر بالکل مختلف لباس پہنا ہوا ہے جس کے انہوں نے اپنے انسٹاگرام ہینڈل پر کچھ کلکس پوسٹ کئے ہیں جن میں انہیں روایتی سفید شلوار قمیض میں دیکھا جا سکتا ہے۔ اداکارہ نے اپنی تازہ ترین سوشل میڈیا اپ ڈیٹ کے لئے سادگی اپناتے ہوئے اپنے سر پر 'دوپٹہ' بھی لے رکھا ہے جس پر سوشل میڈیا صارفین حیران ہیں۔ ان کے سفید شلوار قمیض کے اوپر بہت ہی معمولی کڑھائی ہے کیونکہ نورا کیمرے کی طرف عاجزی اور شرم کے اظہار کے ساتھ پوز کر رہی ہے۔
View this post on Instagram
سوشل میڈیا استعمال کرنے والے صارفین کا کہنا ہے کہ نورا فتیحی کا یہ روپ بالکل نیا ہے، صارفین نے یہ بھی لکھا ہے کہ نورا فتیحی اس مخصوص لباس میں کس طرح مکمل خاتون نظر آ رہی ہیں اور انہیں انٹرنیٹ پر اکثر اس روپ میں ایسے ہی سامنے آنا چاہیے۔واضح رہے کہ نورافتحی زیادہ تر اپنے سوشل میڈیا پلیٹ فارمز پر بولڈ نظر آتی ہیں۔