ویب ڈیسک: دنیا بھر میں پیغام رسانی کے لئے استعمال ہونے والی مقبول ایپ واٹس نے ایک اور زبردست فیچر کا اعلان کیا، یہ فیچر آئی فون صارفین کے لئے متعارف کروایا گیا ہے۔

واٹس ایپ نے آئی فون صارفین کے لیے ایک نیا فیچر متعارف کرایا ہے، جس کے تحت اب دیگر ایپس سے براہِ راست سٹیٹس اپ ڈیٹس شیئر کی جا سکتی ہیں۔ یہ سہولت واٹس ایپ کے تازہ ترین بیٹا ورژن (25.22.79) میں شامل کی گئی ہے۔

اس فیچر کے مطابق اب جب صارف کسی بھی ایپ سے تصاویر یا ویڈیوز شیئر کرنے کی کوشش کرے گا تو آئی او ایس کے شیئرنگ آپشنز میں "مائی سٹیٹس” کا انتخاب خود بخود نظر آئے گا۔ اس فیچر سے اسٹیٹس پوسٹ کرنا پہلے سے کہیں زیادہ آسان اور تیز ہو گیا ہے۔