ویب ڈیسک: جاپان میں جاری ایشین گیمز کے اسکواش ایونٹ کے سیمی فائنل میں پاکستان کے دونوں کھلاڑیوں کو شکست کا سامنا کرنا پڑا، تاہم اشعب عرفان اور نور زمان برانز میڈلز کے حقدار قرار پائے۔
پہلے سیمی فائنل میں بھارت کے ابھے سنگھ نے پاکستان کے اشعب عرفان کو اسٹریٹ گیمز میں شکست دی۔ ابھے سنگھ کی کامیابی کا اسکور 11-3، 12-10 اور 11-6 رہا جبکہ دوسرے سیمی فائنل میں ملائیشیا کے ایئن یاو نے پاکستان کے نور زمان کو 11-7، 11-2 اور 11-4 سے شکست دی۔
سیمی فائنل میں شکست کے باوجود اشعب عرفان اور نور زمان برانز میڈلز جیتنے کے حقدار قرار پائے واضح رہے کہ ایونٹ میں تیسری پوزیشن کا میچ نور زمان اور اشعب عرفان کے درمیان ہوگا۔