راؤ دلشاد:سینئر وزیر پنجاب مریم اورنگزیب سے ورلڈ فوڈ پروگرام کی کنٹری ڈائریکٹر انیتا ہرش نے ملاقات کی۔ ملاقات میں پنجاب میں غذائیت سے متعلق اقدامات اور باہمی تعاون کے امور پر تبادلہ خیال کیا گیا۔

مریم اورنگزیب نے وفد کو پنجاب حکومت کی اصلاحات اور مختلف اقدامات کے حوالے سے بریفنگ دی۔ ورلڈ فوڈ پروگرام نے پنجاب حکومت کے ساتھ مل کر نیوٹریشن کے شعبے میں مزید اقدامات پر غور کیا۔

سینئر وزیر پنجاب نے بتایا کہ وزیراعلیٰ مریم نواز نے صوبے کے 13 اضلاع میں سکول نیوٹریشن پروگرام کا آغاز کیا ہے اور وہ خود اس منصوبے کی نگرانی کر رہی ہیں۔

مریم اورنگزیب کے مطابق حکومت پنجاب کا وژن بچوں کو غذائیت سے بھرپور نشوونما فراہم کرنا ہے۔ ورلڈ فوڈ پروگرام کے وفد نے وزیراعلیٰ پنجاب کے نیوٹریشن پروگرام کو سراہا۔

سینئر وزیر پنجاب نے کہا کہ وزیراعلیٰ مریم نواز نے پہلی مرتبہ صوبے بھر میں سموگ کنٹرول پروگرام متعارف کرایا، جبکہ گزشتہ دو سال کے دوران سموگ کی روک تھام کے لیے انقلابی اقدامات کیے گئے ہیں۔