ویب ڈیسک: پاکستانی اداکارہ نمرہ خان نے شادی کے بعد شوہر کے ہمراہ عمرہ ادا کرنے کی خوشی مداحوں سے شیئر کرتے ہوئے کہا ہے کہ یہ تجربہ ان کے لیے ایک خواب کے پورا ہونے جیسا ہے۔
پاکستانی شوبز سے وابستہ اداکارہ نمرہ خان نے عمرہ کی ادائیگی کے دوران اپنی تصاویر اور ویڈیو سوشل میڈیا پر شیئر کی ہیں، جنہیں مداحوں کی جانب سے خوب پسند کیا جا رہا ہے۔
Actress Nimra Khan shared beautiful moments from her Umrah journey alongside her husband, embracing spirituality, gratitude, and faith during their blessed visit. ????#NimraKhan #Umrah #Makkah #Madinah #IslamicJourney #Blessed #Faith #CoupleGoals #SpiritualJourney… pic.twitter.com/IPWz2M7bRw
— Maryam Murtaza (@QareenaShah) June 26, 2026
میڈیا رپورٹس کے مطابق نمرہ خان نے شادی کے کچھ عرصے بعد شوہر کے ہمراہ عمرہ کی سعادت حاصل کی۔ اداکارہ نے اپنے پیغام میں اللہ تعالیٰ کا شکر ادا کرتے ہوئے کہا کہ محرم کے ساتھ عمرہ ادا کرنا ان کے لیے ایک خاص اور یادگار لمحہ ہے۔
نمرہ خان نے دعا کی کہ اللہ تعالیٰ ان کے شوہر کو خوشیاں، کامیابی اور آسانیاں عطا فرمائے، انہیں ہر مشکل اور بری نظر سے محفوظ رکھے اور رزق میں برکت دے۔
اداکارہ نے عمرہ کے دوران مسجد الحرام اور خانہ کعبہ کی تصاویر بھی شیئر کیں، جبکہ ایک تصویر میں انہیں شوہر کا ہاتھ تھامے ہوئے دیکھا گیا۔
Nimra Khan expresses gratitude for performing Umrah with her husband during the holy month of Muharram.#NimraKhan #umrah #Muharram2026 #kaabah #masjidilharam pic.twitter.com/VKPJVszB4t
— zain shah (@MuhammadUm54901) June 25, 2026
رپورٹس کے مطابق نمرہ خان نے عمرہ کے موقع پر خوبصورت اور سادہ لباس زیب تن کیا، جسے مداحوں نے بھی سراہا۔
نمرہ خان پاکستانی ٹیلی وژن کی معروف اداکاراؤں میں شمار ہوتی ہیں۔ انہوں نے کئی مقبول ڈراموں میں اداکاری کی، جن میں ’احرامِ جنون‘، ’اڑان‘، ’خوب سیرت‘، ’باغی‘ اور ’امِ عائشہ‘ شامل ہیں۔
اداکارہ کی عمرہ تصاویر پر مداحوں نے نیک خواہشات کا اظہار کرتے ہوئے ان کے لیے دعاؤں اور مبارکباد کے پیغامات شیئر کیے ہیں۔