(ویب ڈیسک)معروف یوٹیوبر زید علی خوفناک حادثے کا شکار ہو گئے، انہوں نے سوشل میڈیا پوسٹ کے ذریعے مداحوں کو حادثے کی خبر دی ۔

 انہوں نے انسٹاگرام پر  بتایا کہ ‘گزشتہ کچھ دن میری زندگی کے مشکل ترین دنوں میں سے تھے، حال ہی میں مجھے ایک خوفناک حادثے کا سامنا کرنا پڑا’۔

زید علی نے لکھا کہ ‘اس حادثے میں میرے سر پر چوٹ لگی جو انتہائی خطرناک ثابت ہوئی، جب میں بے ہوشی سے اٹھا تو مجھے بتایا گیا کہ آپ خوش قسمت ہیں کہ آپ کے سر کے اندرونی حصے میں خون نہیں بہا ‘۔

یوٹیوبر نے بتایا کہ ’میرا سر فی الحال خراب ہے اور سوجن بھی ہے، مجھے کھانے پینے میں مسائل کا سامنا ہے کیونکہ مسلسل الٹیاں ہورہی ہیں، مجھے یاد ہے شروع میں جب یہ حادثہ پیش آیا تو مجھے اس قدر تکلیف تھی کہ اللہ سے میں دعا کررہا تھا کہ مجھ سے چاہے ہر چیز لے لے لیکن یہ درد ٹھیک کردے‘۔

زید نے اپنی صحت کے حوالے سے بتایا کہ ’ڈاکٹرز کے مطابق میں 7 سے 8 دنوں میں اپنی زندگی معمول کے مطابق شروع کرسکتا ہوں لیکن مجھے مکمل ٹھیک ہونے میں مہینے لگیں گے‘۔