ویب ڈیسک: یوکرین کے صدر نے روس کے حملے کے بعد نیا ویڈیوپیغام جاری کردیا ، یوکرینی صدر نے اپنے پیغام میں کہا کہ ممکن ہے آپ مجھے آخری بار زندہ دیکھ رہے ہوں۔
تفصیلات کے مطابق یوکرینی صدر کا ویڈیو پیغام سوشل میڈیا پرخوب وائرل ہورہا ہے ،ویڈیو میں دیکھا جاسکتا ہے کہ یوکرین صدر کیساتھ یوکرین کے وزیراعظم اور دیگر کچھ لوگ بھی موجود ہیں ۔
یوکرین کے صدرزیلنسکی ایوان صدر کی عمارت کے باہر کھڑے ہوکر یورپی یونین کوکہہ رہے ہیں کہ ممکن ہے آپ مجھے آخری بار زندہ دیکھ رہے ہوں۔ہم سب یہاں ہیں، ہماری فوج یہاں ہے،ہمارے شہری یہاں ہیں۔ ہم سب یہاں اپنی آزادی، اپنے ملک کا دفاع کر یں گے ، اورہم اسی طرح ڈٹے رہیں گے ۔
????Президент України Володимир Зеленський:
— Defence of Ukraine (@DefenceU) February 25, 2022
"Всі ми тут - захищаємо нашу Незалежність, нашу державу! Так буде й надалі. Слава нашим захисникам і захисницям! Слава Україні!????????" pic.twitter.com/hojX94ONDI
انہوں نے صبح کے وقت اپنے خطاب میں کہا تھا کہ اس سے قبل اپنے ایک خطاب میں یوکرینی صدر کا کہناتھا ہماری اطلاع کے مطابق دشمن نے مجھے اپنا پہلا ہدف مقرر کیا ہے جبکہ میرا خاندان دوسرا ہدف ہے۔ وہ سربراہ کو نشانہ بنا کر یوکرین کو سیاسی طور پر تباہ کرنا چاہتے ہیں۔جبکہ امریکی حکام نے کہا کہ یوکرین کے صدر ولادیمیر زیلنسکی کو پکڑے یا مارے جانے سے بچانے کے لیے کیئف سے نکلنے میں مدد دینے لیے تیار ہے، تاہم ابھی تک صدر انکار کر رہے ہیں۔