ویب ڈیسک: دبئی میں سیاسی سرگرمیاں تیز  ہو گئیں۔ سابق صدر آصف علی زرداری اچانک دبئی روانہ ہو گئے۔ ذرائع کا کہنا ہے کہ  آصف زرداری  دبئی میں نواز شریف سے ملاقات کریں گے۔
بلاول بھٹو زرداری بھی دورہ  چین ملتوی کرکے دبئی روانہ ہو گئے۔

دفتر خارجہ کے زرائع کے مطابق وزیرخارجہ کو 26 جون کو تین روزہ دورے ہر چینی شہر تیانجن جانا تھا,  

تاہم دورے کی شیڈیولنگ کے مسائل کے باعث دورہ چین ملتوی کیا گیا۔

زرائع کا کہنا ہے کہ بلاول بھٹو  زرداری بھی دبئی میں مسلم لیگ ن کے قائد نواز شریف سے ملاقات کریں گے۔

بلاول بھٹو زرداری دبئی کے بعد سرکاری دورہ پر چاپان روانہ ہوںگے۔جبکہ آصف علی زرداری بیٹی کے ساتھ عید بھی دبئی میں منائیں گے۔

واضح رہے کہ اس وقت مسلم لیگ نون کے قائد نواز شریف فیملی کے ہمراہ دبئی میں اپنے داماد علی ڈار کی رہائش گاہ ایمریٹس ہلز میں قیام پزیر ہیں، نواز شریف آج رائل فیملی اور بزنس کمیونٹی کے ساتھ ملاقاتیں کریں گے، ان ملاقاتوں میں مریم نواز بھی اپنے والد کے ہمراہ ہوں گی۔

 نواز شریف دبئی میں قیام کے بعد ابوظبی اور سعودی عرب جائیں گے، نواز شریف سعودی عرب میں تقریباً ایک ہفتہ قیام کے بعد دوبارہ دبئی آئیں گے۔

ذرائع کا کہنا ہے کہ پاکستانی سیاست کا مرکز آئندہ کئی روز تک دبئی رہے گا .