ویب ڈیسک: آسٹریلوی کھلاڑی اور آف اسپنر نیتھن لیون نے اپنی دیرینہ گرل فرینڈ سے شادی کرلی ہے۔
آسٹریلوی آف اسپنر نیتھن لیون نے تصویر و ویڈیو شیئرنگ ایپ انسٹاگرام پر اپنی شادی کی تصویر شیئر کی ہے جس میں ان کے ہمراہ دلہن بھی موجود ہیں جو کہ ان کی دیرینہ گرل فرینڈ ہیں۔اس تصویر کو شیئر کرتے ہوئے انہوں نے لکھا کہ ’مسٹر اینڈ مسز‘ جبکہ تصویر میں دیکھا جاسکتا ہے کہ دونوں نے شادی کے جوڑے زیب تن کیے ہوئے ہیں۔
شادی کے موقع پر سوشل میڈیا صارفین اور ان کے ساتھی کرکٹرز کی جانب سے بھی انہیں مبارکباد دینے کا سلسلہ جاری ہے۔واضح رہے کہ آسٹریلوی آف اسپنر 141 میچز میں اپنے ملک کی نمائندگی کرچکے ہیں جس میں 110 ٹیسٹ، 29 ون ڈے اور 2 ٹی ٹوئنٹی میچز شامل ہیں۔انہوں نے ٹیسٹ میں 438 وکٹیں حاصل کی ہیں جبکہ ون ڈے میں 29 اور ٹی ٹوئنٹی میں صرف ایک وکٹ حاصل کی ہے۔
View this post on Instagram