ملک اشرف: زاہد اختر زمان چیف سیکرٹری پنجاب نے لاہور ہائیکورٹ کا دورہ کیا اور عالیہ نیلم چیف جسٹس لاہور ہائیکورٹ سے ملاقات کی۔ ملاقات میں ایم ڈی ہاؤسنگ عمر فاروق علوی بھی موجود تھے۔

ملاقات کے دوران نئی زیر تعمیر عدالتوں اور جوڈیشل کمپلیکس کی تعمیر سے متعلق امور پر تفصیلی تبادلہ خیال کیا گیا۔ چیف سیکرٹری اور ایم ڈی ہاؤسنگ نے نئی 11 منزلہ زیر تعمیر عمارت کے حوالے سے بریفنگ دی۔

لاہور میں جوڈیشل ٹاور کے قیام سے متعلق بھی چیف جسٹس کو آگاہ کیا گیا، جبکہ نئی تعمیر ہونے والی عدالتوں کو عدلیہ کے حوالے کرنے کے طریقہ کار پر بھی گفتگو کی گئی۔

چیف جسٹس عالیہ نیلم نے جوڈیشل ٹاور کے قیام سے متعلق اقدامات پر اطمینان کا اظہار کیا۔ ملاقات میں مختلف نوعیت کے انتظامی امور پر بھی تبادلہ خیال کیا گیا۔