(ویب ڈیسک) سنیئر صحافی ارشد شریف کو بے دردی سے کینیا میں قتل کردیا گیا، سینئر صحافی اور اینکر ارشد شریف کی موت کیسے ہوئی اس حوالے سے نیروبی پولیس کا تصدیقی بیان آگیا۔
تفصیلات کےمطابق سنیئر صحافی اور اے آر وائی نیوز کے سابق اینکر ارشد شریف کینیا کے شہر نیروبی کے قریب گولی لگنے سے شہید ہوگئے ہیں۔اس حوالے سے اب نیروبی پولیس کا تصدیقی بیان بھی سامنے آگیا ہے، پولیس اتھارٹی نیروبی کی ایک خاتون افسر نے بتایا کہ آج شام کینیا کی کاجیدو کاوئنٹی میں پاکستانی شہری کی پولیس کے ہاتھوں موت ہوئی۔
بیان میں مزید کہا ہماری ریپڈ ریسپانس ٹیم فوری طور پر روانہ ہوچکی ہے۔اس پاکستانی شہری کا نام ارشد شریف نے جن کی عمر 50 برس ہے، واقعہ 23 اکتوبر کو پیش آیا۔
ارشد شریف کی موت پولیس کے ہاتھوں ہوئی: نیروبی پولیس کا تصدیقی بیان
— Independent Urdu (@indyurdu) October 24, 2022
مزید معلومات: https://t.co/gJ7yR5RVhp pic.twitter.com/RUFwYfIT4w
دوسری جانب پاکستان کے وزارت خارجہ نے کہا کہ صحافی و اینکر پرسن ارشد شریف کی موت پر دکھ ہے، مقتول کے دکھی خاندان سے تعزیت کرتے ہیں، پاکستانی ہائی کمشنر کو ارشد شریف کی موت کے بارے میں آج علی الصبح اطلاع ملی، قائم مقام سیکریٹری خارجہ نے ارشد شریف کے خاندان سے ملاقات کر کے افسوسناک خبر کی تصدیق کی۔
ارشد شریف کے کینیا میں قتل ہونے کی خبروں کے بعد وزیر اعظم پاکستان شہباز شریف اور صدر عارف علوی سمیت دیگر شخصیات کی جانب سے سوشل میڈیا پر تعزیتی پیغامات شیئر کیے جارہے ہیں۔