(ویب ڈیسک)واٹس ایپ  صارفین کیلئے اہم خبر، انسٹینٹ میسیجنگ ایپلی کیشن واٹس ایپ جلد ہی مزید آئی او ایس ڈیوائسز پر کام کرنا چھوڑ دے گی، واٹس ایپ نے آئی فون صارفین کو خبردار  کردیا۔

 تفصیلات کے مطابق واٹس ایپ نے آئی فون صارفین کو خبردارکرتے ہوئے کہا کہ جو لوگ آئی او ایس 10 یا آئی او ایس 11 استعمال کر رہے ہیں انہیں اپنے آئی فون کو اپ ڈیٹ کرنا ہوگا تاکہ اس سال 24 اکتوبر کے بعد بھی وہ واٹس ایپ کا استعمال جاری رکھ سکیں،آج کل یہ آپریٹنگ سسٹم آئی فون 5 اور 5 سی میں استعمال کئے جا رہے ہیں تاہم وہ صارفین جن کے پاس آئی فون 5 ایس، آئی فون 6 یا آئی فون 6 ایس ہے اور وہ آئی او ایس 12 استعمال کر رہے ہیں انہیں فکر مند ہونے کی ضرورت نہیں۔

 واٹس ایپ کی جانب سے ان فونز میں میسیجنگ ایپ کی سپورٹ ختم کرنے کا فیصلہ عالمی ڈیویلپرز کانفرنس کے منعقد ہونے سے دو ہفتے قبل سامنے آیا ہے،واٹس ایپ ہیلپ سینٹر میں کمپنی یہ پہلے ہی بتا چکی ہے کہ آئی فون صارفین کو ایپ کا استعمال جاری رکھنے کے لیے آئی او ایس 12 یا اس سے جدید آپریٹنگ سسٹم استعمال کرنا ہوگا جبکہ اینڈرائیڈ صارفین کو او ایس 4.1 یا اس سے جدید آپریٹنگ سسٹم کی ضرورت ہوگی۔