(ویب ڈیسک) انڈین پریمیئر لیگ (آئی پی ایل)کا نیا سیزن شروع ہونے والا ہے۔ اس ٹورنامنٹ میں حصہ لینے والے تجربہ کارکھلاڑیوں میں سے کئی اپنی ٹیموں کیلئے آخری بار کھیلیں گے۔ قیاس آرائیاں کی جا رہی ہیں کہ مہندر سنگھ دھونی سمیت کچھ تجربہ کار کھلاڑی آئی پی ایل 2026 کے بعد اپنی ریٹائرمنٹ کا اعلان کر سکتے ہیں۔
یہ پانچ کھلاڑی آئی پی ایل 2026 کے بعد ریٹائر ہو سکتے ہیں اور اس فہرست میں سب سے اوپر چنئی سپر کنگز کے مہندر سنگھ دھونی ہیں۔ جہاں اس چیمپئن کپتان کی ریٹائرمنٹ کا اکثر ہر سیزن میں چرچا ہوتا ہے وہیں وہ خاموشی سے اگلے سیزن کی تیاری شروع کر دیتے ہیں۔ اس بار بھی کچھ نہیں کہا جا سکتا لیکن دھونی نے اشارہ دیا ہے کہ یہ ان کی ٹورنامنٹ میں شرکت کی آخری بار ہو سکتی ہے۔
 چنئی سپر کنگز کے سابق کپتان اور سٹار وکٹ کیپر بلے باز ایم ایس دھونی کے اس سیزن کے بعد آئی پی ایل سے ریٹائر ہونے کی امید ہے۔ چونکہ سنجو سیمسن نے فرنچائز میں شمولیت اختیار کی ہے، ایسا لگتا ہے کہ دھونی کا کرکٹ کریئر اپنے اختتام کے قریب ہے۔5 بار کے چیمپئن نے مجموعی طور پر 5,321 رن بنائے ہیں۔
 اجنکیا رہانے کا نام اس سال کے آئی پی ایل میں کھیلنے کے بعد ریٹائرمنٹ کا اعلان کرنے والوں کی فہرست میں شامل کیا جا رہا ہے۔ اس وقت شاہ رخ خان کی کولکاتا نائٹ رائیڈرز کے کپتان اپنی ٹیم کے لیے ٹرافی جیتنے پرتوجہ مرکوزکیے ہوئے ہیں۔ رہانے راجستھان رائلز، ممبئی انڈینز اور چنئی سپر کنگز سمیت کئی دیگر ٹیموں کے لیے کھیل چکے ہیں۔ انہوں نے 198 میچوں میں 5032 رن بنائے ہیں۔
 سن رائزرز حیدرآباد کے تیز گیند باز ہرشل پٹیل کی کارکردگی میں گراوٹ درج کی گئی ہے۔ اگر وہ اس سیزن میں اچھی کارکردگی نہیں دکھاتے ہیں تو ریٹائرمنٹ ایک آپشن ہو سکتا ہے۔ ہرشل پٹیل اب ڈیتھ اوورز میں اتنے مؤثر نہیں ہیں۔ انہوں نے 2021 میں RCB اور 2024 میں پنجاب کنگز کے لیے پرپل کیپ حاصل کیاتھا۔
گجرات ٹائٹنز کے لیے کھیلنے والے تیز گیند باز ایشانت شرما بھی اس فہرست میں شامل ہیں۔ اپنی عمر کی وجہ سے، وہ اب بہت کم میچ کھیل سکتے ہیں، اس لیے وہ آئی پی ایل 2026 کے بعد ریٹائر ہونے کا فیصلہ کر سکتے ہیں۔ کولکاتا نائٹ رائیڈرز اور دہلی کیپٹلز سمیت7 ٹیموں کے لیے کھیلتے ہوئے شرما نے 117 میچوں میں 96 وکٹیں حاصل کی ہیں۔
ممبئی انڈینز کے سٹار فاسٹ بولر ٹرینٹ بولٹ بھی اپنے کریئر کے اختتام کے قریب ہیں۔ وہ اب بہت کم میچ کھیلتے ہیں اور آئی پی ایل 2026 کے بعد لیگ سے ریٹائر ہو سکتے ہیں۔ راجستھان رائلز، دہلی کیپٹلز اور کولکاتا نائٹ رائیڈرز کے لیے کھیلنے والے اس گیند باز نے 120 میچوں میں 143 وکٹیں حاصل کی ہیں۔