ویب ڈیسک : جہاز میں سفر کرتے وقت اکثر لوگ ڈر و خوف میں مبتلا رہتے ہیں کئی لوگ تو اس دوران ذہنی تناؤ کا بھی سامناکرتے ہیں لیکن برطانوی ائیر لائن کے ایک پائلٹ نے ایسی ہی خوف میں مبتلا ایک خاتون مسافر کی مدد کرکے لوگوں کے دل جیت لیے۔
نیویارک پوسٹ کے مطابق واقعہ حال ہی میں برٹش ائیرویز کی پرواز کے دوران پیش آیا جہاں اٹلی سے تعلق رکھنے والی خاتون جولیا بکلے کو جہاز کا خوف طاری تھا یہی نہیں خاتون جہاز میں چڑھنے سے بھی ڈر رہی تھی اس دوران پائلٹ نے ان کے خوف کو ختم کرنے کیلئے منفرد طریقہ آزمایا اور خاتون کے ہاتھ میں ایک کاغذ تھمادیا۔رپورٹس کے مطابق اس نوٹ میں جہاز کے cross-section کی تصویر بنائی گئی تھی جس کے ذریعے مسافر خاتون کو سمجھانے کی کوشش کی گئی کہ کیسے جہاز محفوظ طریقے سے اڑان بھرے گا۔
بعد ازاں خاتون جولیا بکلے نے پائلٹ کے اس اقدام کو سراہتے ہوئے اپنے سوشل اکاؤنٹ ٹوئٹر پر پائلٹ کے دی گئی تصویر بھی شیئر کی اور بتایا کیسے کیپٹن ڈیل نے ان کے 80 فیصد خوف کو کم کردیا تھا۔
For once i come to praise @British_Airways not to bury them. Boarded the 249 yday trembling with fear, disembarked serene w a diagram of aerodynamics drawn by pilot Del who singlehandedly cured 80% of my fear of flying. Potentially lifechanging. Thank you (+ Kai + Derek onboard) pic.twitter.com/UZav0qqVXX
— Julia Buckley (@juliathelast) March 18, 2023
سوشل میڈیا صارفین کی جانب سے پائلٹ کے اس اقدام کو سراہا جارہا ہے۔