ویب ڈیسک : ڈبلیو ڈبلیو ای کو مقام دلوانے والے اور ریسلنگ کی دنیا کے لیجنڈ ہلک ہاگن 71 برس کی عمر میں انتقال کرگئے۔
بین الاقوامی میڈیا رپورٹ کے مطابق ہلک ہاگن ہارٹ اٹیک کے باعث جمعرات کے روز امریکی ریاست فلوریڈا میں انتقال کرگئے۔ رپورٹ میں بتایا گیا کہ صحت کی ایمرجنسی لائن پر ہارٹ اٹیک کے حوالے سے کال موصول ہوئی جس کے بعد ٹیم کو فلوریڈا کے علاقے کلیئر واٹر کے گھر میں بھیجا گیا، میڈیکل ٹیم جب گھر پہنچی تو 71 سالہ بزرگ بے ہوش تھے جنہیں سی پی آر دے کر اسپتال منتقل کیا گیا تاہم وہ جانبر نہ ہوسکے، اسپتال میں اُن کی شناخت لیجنڈ ریسلر ہلک ہاگن کے نام سے ہوئی۔
ہانگ کا اصل نام ٹیری جین بولیا تھا جنہوں نے ریسلنگ کے کیریئر میں متعدد چیمپئن شپ، بیلٹس جیتیں جبکہ اس کھیل کو عالمی سطح پر مقبول بنانے میں بھی اہم اور کلیدی کردار ادا کیا۔
ہوگن کی پرورش ٹمپا، فلوریڈا میں ہوئی، بچپن میں، وہ لٹل لیگ بیس بال میں پِچر تھے۔ انہوں نے 16 سال کی عمر میں پروفیشنل ریسلنگ دیکھنا شروع کی تھی۔ ہوگن نے 1980 کی دہائی کے وسط سے 1990 کی دہائی کے اوائل تک ورلڈ ریسلنگ فیڈریشن میں آل امریکن، ورکنگ کلاس ہیرو کردار ہلک ہوگن کے طور پر مرکزی دھارے میں بے حد مقبولیت حاصل کی۔ 1990 کی دہائی کے آخر تک انہوں نے کیون نیش اور سکاٹ ہال کے ساتھ ورلڈ چیمپیئن شپ ریسلنگ (WCW) میں "ہالی ووڈ" ہوگن کے طور پر کام کیا۔
2005 میں ہوگن کو WWE ہال آف فیم میں شامل کیا گیا، جہاں وہ 12 بار ورلڈ ہیوی ویٹ چیمپئن، 6 بار WWF/E چیمپئن اور 6 بار WCW ورلڈ ہیوی ویٹ چیمپئن رہے۔ ہاگن لگاتار دو رائل رمبل جیتنے والا پہلا آدمی ہے۔