ویب ڈیسک : معروف پاکستانی اداکار، کامیڈین و میزبان شفاعت علی کے ہاں دوسرے بیٹے کی پیدائش ہوئی ہے۔
پاکستانی سیاست دان اور دیگر معروف شخصیات کی نقل اُتارنے والے فنکار شفاعت علی نے حال ہی میں سماجی رابطے کی ویب سائٹ ایکس پر ایک پوسٹ جاری کی ہے جس میں اُنہوں نے اپنے گھر بیٹے کی پیدائش کی خوشخبری مداحوں کے ساتھ شیئر کی ہے۔
مذکورہ پوسٹ میں شفاعت علی نے لکھا کہ ' الحمد اللہ، اللہ نے ہمیں بیٹے جیسی نعمت سے نوازا ہے'۔
Allah has blessed us with a baby boy! Alhamdulillah
— Shafaat Ali (@iamshafaatali) January 23, 2024
شفاعت اور ان کی اہلیہ ربیکا فریال کی جانب سے ملنے والی اس خوشخبری پر اُن کے چاہنے والوں کی جانب سے نیک تمناؤں کا اظہار کیا جا رہا ہے۔
صارفین کی ایک بڑی تعداد 'ماشاء اللہ' اور 'مبارک ہو' جیسے الفاظ لکھتی نظر آئی تو ایک صارف نے بیٹے کے نام کے حوالے سے مشورہ دیتے ہوئے لکھا کہ ' اس کا نام غزہ رکھ دو'۔
Congratulations Name him Gaza ❤️
— Zorays Khalid ???????? (@zorayskhalid) January 23, 2024
ایک 'ایکس' صارف نے تو اس خوشی کو مزید میٹھا بناتے ہوئے پوسٹ کے کمنٹ سیکشن میں گاجر کے حلوے کی تصویر ہی شیئر کردی۔
Mubarkan pic.twitter.com/buNlIbLaMQ
— Javed Anwer (@JavedAn43978071) January 23, 2024
واضح رہے کہ شفاعت پاکستانی نجی ٹیلی ویژن کے شو میں فنکاروں کی آواز کی نقل کرتے نظر آتے تھے۔ خاص طور پر انکا پاکستانی گلوکار عاطف اسلم کی آواز میں باتیں اور گلوکاری کرنا مداحوں کی جانب سے بے حد پسند کیا جاتا ہے۔
عاطف اسلم کے علاوہ شفاعت پاکستان کے سابق وزیرِ اعظم عمران خان اور وزیرِ خارجہ بلاول بھٹو زرداری کی بھی بڑی مہارت سے آواز بنالیتے ہیں۔