وقاص احمد:لاہور کے علاقے ڈیفنس میں گھریلو تنازع پر فائرنگ کے نتیجے میں نوجوان زخمی ہوگیا ہے۔

ڈیفنس اے پولیس نے زخمی نوجوان ابرار کی مدعیت میں مقدمہ درج کرکے واقعے کی تحقیقات شروع کردی ہیں۔

ایف آئی آر کے مطابق ابرار کا کہنا ہے کہ وہ اپنی خالہ کے کہنے پر ڈیفنس فیز 4 میں ان کے گھر رہائش پذیر ہے، تاہم اس کے خالو کو اس کا خالہ کے ساتھ رہنا پسند نہیں۔

متن کے مطابق نوجوان نے الزام عائد کیا کہ چند روز قبل اس کے خالو نے مبینہ طور پر حملہ آوروں کے ذریعے اسے فائرنگ کرکے زخمی کروایا۔

پولیس کا کہنا ہے کہ واقعے کی مختلف پہلوؤں سے تحقیقات جاری ہیں، جلد حقائق سامنے لائے جائیں گے۔