سٹی42: چیف جسٹس لاہور ہائیکورٹ بین الاقوامی جوڈیشل کانفرنس میں شرکت کے لیے امریکا روانہ ہو گئے ہیں، ان کی غیر موجودگی میں عدالتی امور کے تسلسل کو یقینی بنانے کے لیے جسٹس عابد عزیز شیخ کو قائم مقام چیف جسٹس مقرر کر دیا گیا ہے۔

جسٹس عابد عزیز شیخ آج صبح 10 بجے قائم مقام چیف جسٹس کے عہدے کا حلف اٹھائیں گے،  جسٹس شمس محمود مرزا اُن سےحلف لیں گے۔
حلف برداری کی تقریب لاہور ہائیکورٹ کے ججز لاؤنج میں منعقد ہوگی۔اس موقع پر پرنسپل سیٹ پر کام کرنے والے ججز بھی شریک ہوں گے۔