ویب ڈیسک: ارجنٹینا کے اسپتال میں ایک خاتون کی موت کے اگلے دن اسی خاتون کی روح کو ہسپتال کے اندر دیکھے جانے کا خوفناک انکشاف ہوا۔حیرت انگیز ویڈیو سوشل میڈیا پر وائرل ہو گئی۔
تفصیلات کے مطابق ارجنٹینا کے اسپتال میں مردہ خاتون کی روح کو اسی اسپتال میں دیکھے جانے کا انکشاف ہوا ہے جہاں اس کی موت ہوئی تھی، اسپتال کی سی سی ٹی وی ویڈیو میں دیکھا جاسکتا ہے کہ سیکیورٹی گارڈ دروازہ کھلنے کے بعد ایک شخص سے گفتگو کر کے اسے ڈاکٹر سے ملاقات کے بارے میں طریقے سے آگاہ کرتا ہے۔
رپورٹس کے مطابق سیکیورٹی گارڈ نے رات ساڑھے 3 بجے خاتون سے بات چیت کی، کچھ دیر بعد ڈاکٹر کے کمرے سے واپس نہ آنے پر اس سے پیرا میڈیکل اسٹاف سے رابطہ کیا۔گارڈ کے کچھ دیر بعد اسپتال آنے والی خاتون سے متعلق پوچھنے پر پیرامیڈیکل اسٹاف یہ جان کر دنگ رہ گئے کہ گارڈ جس خاتون کی تفصیلات پوچھ رہا ہے وہ تو ایک دن پہلے مر چکی ہے۔
اس واقعے کی ویڈیو سوشل میڈیا پر بھی وائرل ہورہی ہے۔
Spine-chilling moment ‘ghost patient’ is greeted by hospital worker on CCTV a day after DYING pic.twitter.com/4G4yJyZtft
— The Sun (@TheSun) November 22, 2022
ذرائع کے مطابق اسپتال کا موقف ہے کہ سی سی ٹی وی ویڈیو کے ساتھ کچھ چھیڑ چھاڑ کی گئی ہے۔اسپتال کے ترجمان کا کہنا ہے کہ دروازہ ٹوٹ گیا تھا جو اس رات 10 گھنٹے کے دوران 28 مرتبہ خود ہی کھلا تھا۔