ویب ڈیسک:بھارتی ٹینس اسٹار ثانیہ مرزا نے اپنے آنے والے شو ’دی مرزا ملک شو‘ کے سیٹ سے نئی تصویریں شیئر کی ہیں جنہیں دیکھنے کے بعد سوشل میڈیا صارفین کی جانب سے بے حد پسند کیاجارہاہے۔
مداحوں میں اپنے لباس اور اسٹائل کی وجہ سے بہت زیادہ مقبول ثانیہ مرزا نے ایک مرتبہ پھر لوگوں کو اپنی تعریف کرنے پر مجبور کر دیا ہے۔ثانیہ مرزا نے اپنے سوشل میڈیا اکاؤنٹس پر آتشی گلابی رنگ کے لباس میں تصاویر شیئر کی ہیں جسے مداح خوب پسند کر رہے ہیں۔
View this post on Instagram
بھارتی ٹینس اسٹار کی تصاویر کو انسٹاگرام اکاؤنٹ پر کچھ ہی دیر میں 60 ہزار سے زائد لوگوں کی جانب سے پسند کیا جا چکا ہے جبکہ ٹوئٹر پر بھی سیکڑوں اکاؤنٹ سے تصاویر کو لائک کیا جارہا ہے۔اس تصویر میں ثانیہ مرزا کے مداحوں کا کہنا ہے کہ وہ مغرب سے زیادہ مشرقی لباس میں خوبصورت لگ رہی ہیں۔
واضح رہے کہ ’دی مرزا ملک شو‘ پر گزشتہ دو برسوں سے کام جاری ہے، 2021ء کے دسمبر میں اس شو کا پوسٹر جبکہ 2022ء کی مارچ میں پہلی جھلک سوشل میڈیا پر شیئر کی گئی تھی۔