تشویشناک خبر،پاکستان میں بھی منکی پاکس بیماری پھیلنے کا خدشہ،ہائی الرٹ جاری

تشویشناک خبر،پاکستان میں بھی منکی پاکس بیماری پھیلنے کا خدشہ،ہائی الرٹ جاری
کیپشن: Monkeypox virus
سورس: Google
Stay tunned with 24 News HD Android App
Get it on Google Play

ویب ڈیسک:محکمہ صحت سندھ کی جانب سے منکی پاکس سے متعلق ہائی الرٹ جاری کر دیا گیا۔

محکمہ صحت سندھ کی جانب سے جاری کیے گئے الرٹ میں کہا گیا ہے کہ منکی پاکس بیماری کے111 کیسز انگلینڈ اور امریکہ میں رپورٹ ہوگئے۔ پاکستان میں بھی منکی پاکس بیماری پھیلنے کا خدشہ ہے۔محکمہ صحت سندھ نے کہا ہے کہ منکی پاکس کی علامات میں سر اور پٹھوں میں درد محسوس ہوتاہے ۔ منکی پاکس سے چہرے اور جسم پر پھوڑے ظاہر ہوسکتے ہیں۔

منکی پاکس سے نمٹنے کے لیے ضرور ی اقدامات کی ہدایت جاری کر دی گئی ہیں۔ وبازدہ ممالک سے آنے والے مسافروں کی اسکریننگ  کی جانی چاہیے۔

بیماری کے پھیلاؤ سے بچنے اور روک تھام کے لیے لیبارٹری اور سرویلنس کے عمل کو بڑھانے کے لئے حکم نامہ جاری کر دیا گیا۔

واضح رہے کہ ڈبلیو ایچ او نے بھی گزشتہ روز منکی وائرس کے پھیلاو میں تیزی کا خدشہ ظاہر کیا تھا۔ عالمی ادارہ صحت کا کہنا ہے کہ وائرس دوسرے ممالک میں بھی پھیلنے کا خدشہ ہے۔