(ویب ڈیسک )بانی پی ٹی آئی عمران خان نے عدالت سے ڈینٹسٹ کو چیک اپ کروانے کی استدعا کر دی۔
تفصیلات کے مطابق اڈیالہ جیل میں کیس کی سماعت کے موقع پر بانی پی ٹی آئی عمران خان نے روسٹر م پر آ کر عدالت سے عدالت سے ڈینٹسٹ کو چیک اپ کروانے کی اجازت دینے کی درخواست کی، بانی پی ٹی آئی نے کہا کہ 7 مہینے ہوگئے ایک باربھی ڈاکٹرکے پاس نہیں گیا، جس پر احتساب عدالت کے جج نے کہا کہ جیل میں ڈاکٹرز موجود ہیں، آپ چیک اپ کروالیں۔
عمران خان کا اس موقع پر کہنا تھا 70 سال کی عمر میں دانت کا چیک اپ کروانا ہے، جیل کا ڈاکٹر میرے دانت ہی نہ نکال دے، جس پر عدالت نے کہا کہ آپ درخواست دے دیں اس پر مناسب حکم سناتے ہیں ، اس دوران عمران خان کی اہلیہ بشریٰ بی بی سے کمرہ عدالت میں ڈھائی ہفتے بعد ملاقات ہوئی۔