سٹی42: بھارت کے جھوٹ پر مبنی نیریٹیو کے ذریعہ علاقہ پر بالادستی حاصل کرنے کا خواب چکنا چور ہونے کے بعد تلملائے ہوئے حکمرانوں نے دعویٰ کیا ہے کہ کشمیر کی ڈل جھیل سے ایک میزائل کا ٹکڑا ملا ہے اور یہ میزائل کا ٹکڑا نام نہاد "آپریشن سیندور" میں پاکستان کی شکست کا "ثبوت" ہے۔
چھ مئی 2025 کو جب بھارت نے پاکستان کے کئی سویلین مقامات پر میزائل مارے اور لڑاکا جنگی طیاروں کے ساتھ حملے کی کوشش کی تو پاکستان نے ایک گھنٹے میں بھارت کے چھ لڑاکا جہاز تباہ کر دیئے تھے۔ اس حقیقت کو دنیا بھر نے مانا حتیٰ کہ امریکہ کے صدر ڈونلڈ ٹرمپ نے کئی بار بتایا اور فرانس کی بھارت کو لڑٓکا جنگی جہاز رافیل بیچنے والی کمپنی اور فرنچ سرکاری حکام تک نے اس کا اعتراف کیا کہ رافیل طیارے پاکستان کے پائلٹس نے تباہ کر دیئے۔
چھ اور سات مئی کی درمیانی شب ہونے والی فضائی جنگ کی اس شکست کا بدلہ لینے کے لئے بھارت نے سات، آٹھ اور نو مئی کو سینکڑوں ڈرون پاکستان بھیجے اور دس مئی کے کیلینڈر پر آغاز کے بعد پاکستان کے تین ائیر بیسز پر میزائل حملے کئے۔ ان حملوں کے جواب میں پاکستان نے دس مئی کی صبح فجر کی نماز کے دوراً بعد بھارت کے اندر گھس کر دہلی تک ہر جگہ تباہی مچائی۔ لانگ رینج سپر سانک براہموس میزائل رکھنے کے نصف درجن اڈے سینکروں میزائلوں کے ساتھ تباہ کر دیئے، ائیر ڈیفینس سسٹم S400 کی اربوں ڈالر مالیت کی دو بیٹریاں تباہ کر دیں، کشمیر، مشرقی پنجاب میں بھارتی زمینی اور فضائی فوج کی درجنوں تنصیبات میزائل حملوں سے برباد کر دیں۔
یہ ہی نہیں کیا، پاکستان آرمی کے جری جوانوں نے مقبوضہ کشمیر میں بھارت کی درجنوں نگران چوکیاں تو تباہ کی ہی، مقبوضہ کشمیر میں اندر گھس کر کچھ علاقے پر قبضہ بھی کر لیا، یہ قبضہ جنگ بند ہونے کے بعد تک برقرار رہا اور پاکستان نے جنگ بند ہونے کے بعد رضاکارانہ یہ قبضہ چھوڑا تھا۔
دس مئی کی صبح کئی گھنٹے تک پاکستان بھارتی تنصیبات پر چن چن کے نشانے لگا کر انہیں تباہ کرتا رہا لیکن بھارت کے بلا اشتعال جارحیت کے شوقین حکمرانوں اور فوجی حکام کو ایک بھی جواب دینے کی جرات نہیں ہوئی۔ بھارت کے سینکڑوں گرڈ سٹیشن پاکستان نے ہیک کر لئے، سینکڑوں اہم ترین ویب سائٹس ناکارہ کر دیں یا ہیک کر لیں، بھارت کا اکلوتا فوجی مقاصد کا مصنوعی سیارہ برباد کر کے لوہے کا ناکارہ ڈھیر بنا دیا، لیکن بھارت کو کسی بھی حملے کا جواب دینے کی جرات نہیں ہوئی۔
اس کی بجائے پاکستانی حکام نے سفارتی ذرائع سے اور س کے ساتھ ہی نیوز چینلز کے ذریعہ پبلکلی وارننگ دی کہ پاکستان انڈیا کی جارحیت کے جواب میں اسے برباد کر چکا ہے۔ دہلی تک بھارت کی فضا پر پاکستان کا عملی کنٹرول ہو چکا ہے۔ اگر بھارت نے پاکستان کے اس جواب کا جواب دینے کی حماقت کی تو بھارت میں کئی نسلوں تک اس حماقت کا سوگ منانا پڑے گا۔
بھارت نے پاکستان کی جوابی کارروائیوں اور دھمکی کے جواب مین کیا کیا، بھارت نے واشنگٹن مین وائٹ ہاؤس میں اپنے ہمدردوں سے درخواست کی کہ پاکستان کے ساتھ ہماری جنگ بند کروا دیں۔ دس مئی کی شام امریکہ کے صدر ڈونلڈ ٹرمپ نے اعلان کیا کہ انہوں نے بھارت کے ساتھ پاکستان کی جنگ بند کروا دی ہے۔ بھارت کو آج تک اپنے شہریوں کو یہ ہی بتانے کی جرات نہین ہوئی کہ بھارت نے ٹرمپ سے جنگ بند کروانے کے لئے کیوں درخواست کی تھی۔
آج بھارت کا میڈیا ایک میزائل کا ٹکڑا مقبوضہ کشمیر کی ڈل جھیل سے ملنے پر یہ مضحکہ خیز سرخیاں لگا رہا ہے کہ پاکستان کی آپریشن سیندور میں " شکست کا ثبوت" مل گیا۔
Debris Of Pak Missile Fired During Op Sindoor Found In Dal Lake, Defusedhttps://t.co/BoaXRHj3xr pic.twitter.com/rcOrtJQsqf
— NDTV (@ndtv) September 22, 2025
واقعہ صرف یہ ہے کہ اتوار کے روز ڈل جھیل کی مبینہ صفائی کے دوران ایک میزائل کا ٹکراجھیل سے ملا، جسے معائنہ کیلئے بھارتی فوج کے کسی خفیہ مرکز میں بھیج دیا گیا۔ اس میزائل کے ٹکڑے کے ڈل جیل میں گرنے سے اگر کچھ ثابت ہوا تو وہ یہ کہ پاکستان نے دس مئی کو بہت زیادہ مارا تھا۔