سٹی42: اسرائیل نے اعلان کیا ہے کہ جنگ بندی کی خلاف ورزیوں پر غزہ کے حملوں میں حماس کے پانچ سینئر اہلکار ہلاک ہو گئے۔
آج ہفتہ کی شب یروشلم میں اسرائیل کے وزیر اعظم بنجمن نیتن یاہو کے دفتر نے X پر ایک پوسٹ میں کہا کہ اسرائیل نے حماس کی طرف سے جنگ بندی کی خلاف ورزیوں کے جواب میں آج غزہ پر فضائی حملے کئے جن میں حماس کے پانچ سینئر اہلکاروں کو ہلاک کر دیا گیا۔
نیتن یاہو کے دفتر کی اس پوسٹ میں لکھا ہے، "آج، حماس نے ایک بار پھر جنگ بندی کی خلاف ورزی کی، ایک دہشت گرد کو اسرائیل کے زیر قبضہ علاقے میں IDF فوجیوں پر حملہ کرنے کے لیے بھیجا۔ جواب میں اسرائیل نے حماس کے پانچ سینئر دہشت گردوں کو ہلاک کر دیا" ۔
"اسرائیل نے جنگ بندی کا مکمل احترام کیا ہے، حماس نے نہیں کیا"، پوسٹ میں یہ کہتے ہوئے " حماس کے" درجنوں دہشت گردوں" پر الزام لگایا گیا ہے کہ جنگ بندی کے نفاذ کے بعد سے غزہ میں انخلا کی لائن کے آئی ڈی ایف کے زیر کنٹرول حصے میں داخل ہوئے۔
غزہ میں آج کی ائیرسٹرائیکس
الجزیرہ نیوز نے بتایا ہے کہ تازہ ترین جان لیوا حملے رش کے اوقات میں ہوئے اور کئی لوگ ان کی زد میں آئے جو بیکریوں اور گلیوں کے بازاروں میں جانے کی کوشش کر رہے تھے۔
الجزیرہ نیوز کے مطابق دو گھنٹے کے دوران اسرائیلی حملوں میں کم از کم 22 فلسطینی شہید ہو گئے۔ یہ لوگ اپنی گاڑیوں کے اندر، پناہ گاہوں کے اندر، جو کچھ بھی ان کے گھروں میں بچا ہے اس کے اندر تھے۔
چھ ہفتے پرانی امریکی ثالثی میں جنگ بندی کے باوجود غزہ میں تشدد کبھی ختم نہیں ہوا۔
الجزیرہ نیوز نے لکھا، پچھلے دو سالوں میں جو کچھ بہت تیز رفتاری سے ہو رہا تھا وہ اب قتل کے اس سست اور مستحکم انداز میں بدل گیا ہے۔ یہ یہاں کے لوگوں کے لیے صدمے کا باعث ہے جنہوں نے کبھی بھی یہ پیش گوئی نہیں کی ہوگی کہ تازہ ترین حملہ غزہ شہر کے قلب میں واقع اس مقام پر ہوگا۔
اسرائیل کی آج ہفتہ کے روز غزہ کے وسطی علاقہ میں ائیر سٹرائیکس میں کئی کاریں نشانہ بنیں اور کئی گھروں کو بھی ٹارگٹ اٹیک کا نشانہ بنایا گیا۔ آج اسرائیلی طیارے سے پھینکے گئے میزائل سے تباہ ہونے والی ایک کار کے قریب غزہ کے بچے نطر آ رہے ہیں۔
آج مزید کیا کچھ ہوا
الجزیرہ نیوز کی ہی رپورٹ کے مطابق اسرائیلی فوج نےبتایا کہ اس نے جنوبی غزہ کے رفح میں تین افراد کو ہلاک کیا، جو جنگ بندی شروع ہونے کے بعد سے شہر کے نیچے زیر زمین سرنگ میں پھنسے ہوئے جنگجوؤں کے ایک گروپ کا "ممکنہ طور پر" حصہ تھے۔
لبنان کی وزارت صحت نے کہا ہے کہ لبنان میں اسرائیلی فضائی حملے میں بنت جبیل ضلع کے وادی السلوقی علاقے میں ایک گاڑی کو نشانہ بنایا گیا جس میں ایک شخص ہلاک ہو گیا، جب کہ ذوطر الشرقیہ کے علاقے میں ایک اور حملے میں ایک شخص ہلاک ہو گیا۔
اسرائیلی آباد کاروں نے مقبوضہ مغربی کنارے کے جنوبی ہیبرون علاقے میں مسافر یتہ کے جنوب مشرق میں فلسطینی کسانوں پر حملہ کیا۔